سازمانی خه‌بات ی
کوردستانی
ئێران
بەهۆی بەرێوەبردنی جەژنی چوارشەممەسووری و ئاهەنگ و خۆشی و نارەزایەتی دژ بە دەسەڵاتی گەندەڵ و دیکتاتۆری ئاخوندی، هێزە سەرکوتگەرەکانی ئەو رژیمە لە
بەهۆی بەرێوەبردنی جەژنی چوارشەممەسووری و ئاهەنگ و خۆشی و نارەزایەتی دژ بە دەسەڵاتی گەندەڵ و دیکتاتۆری ئاخوندی، هێزە سەرکوتگەرەکانی ئەو رژیمە لە شار و ناوچە جیاجیاکانی ئێران 889 کەسیان دەستبەسەر کردووە.
بەپێی راگەیەندراوی شۆرای مللی مقاومەتی ئێران، رۆژی 22ی رەشەممەی 1396 هێزەکانی رژیمی ئاخوندی بەشێوەیەکی بەربڵاو دەستیان داوەتە گرتنی خەڵک و سەرکردەی هێزە ئینتزامیەکانی رژیم دیانیان بەوەدا ناوە کە لە 22 شاری ئێران 889 کەسیان دەستبەسەر کردووە.
بەپێی قسەی سەرکردەکانی هێزە سەرکوتگەرەکانی رژیم لە تاران 436 کەس، لە قوم 90 کەس، لە مەشهەد 90 کەس، لە سمنان 50 کەس، لە ئەراک 40 کەس، لە روبات کەرین 38 کەس، لە گەچساران 22 کەس، لە لەنگرود 18 کەس، لە بروجێرد 17 کەس، لە بیرجەند 14 کەس، لە ورمێ 14 کەس و... دەستبەسەر کردووە. ئەو ژمارانە ئاماری دەستبەسەرکراوانی دامودەزگا سەرکوتگەرەکانی وەک وەزارەتی ئیتلاعات، سوپای پاسداران، ئیتلاعاتی سوپا، بەسیج و لیباس شەخسیەکان و ... ناگرێتەوە.
ئەو شۆرایە هەروەها داوای لە جەماوەری ئێران هەڵوێست و نارەزایەتی جەماوەری دژ بە گرتن و کردەوەی سەرکوتگەرانەی رژیم دەربرن و هەروەها داوای لە کۆر و کۆمەڵە نێونەتەوەییەکان کردووە کە بۆ ئازاد کردنی دەستبەسەرکراوان و بەتایبەت دەستگیرکراوانی چوارشەممەسوور هەوڵ بدەن.
