رێکخراوی نەتەوە یەکگرتووەکان ئێرانی ژێر دەسەڵاتی ئاخوندانی بە خەمگینترین وڵات ناساند

 رێکخراوی نەتەوە یەکگرتووەکان لە راپۆرتی ساڵانەی خۆیدا، فینلاندی بە شادترین و ئێرانی ژێر دەسەڵاتی ئاخوندانی بە خەمگینترین وڵاتی جیهان ناساند.

بەپێی ئەو راپۆرتە ئێرانی ژێر دەسەڵاتی رژیمی ئاخوندی لە پلەی 106 و خوارتر لە نیجیریە و پاکستان جێگەی گرتووە. ئەو راپۆرتە لە کاتێکدا بڵاو دەکرێتەوە کە راپۆرتی ساڵانەی کۆری ئابووری جیهانیش لەبارەی بەرابەری رەگەزی لە 144 وەڵاتی جیهان، رژیمی ئێران لە پلەی 140 دا جێگەی گرتبوو. راپۆرتێک کە لەسەر بنەمای دەستراگەیشتنی ژنان بە خوێندن، تەندروستی و دەرمانی گشتی، بەشداری لە کاروباری ئابووری و سیاسی وڵات ئامادە کراوە.

بەپێی راپۆرتی کۆری ئابووری جیهانی، ئێرانی ژێر دەسەڵاتی ئاخوندان لە گەڵ پێنج وڵاتدا جێگەی گرتووە کە بنەمای بەرابەری ژن و پیاو تیایاندا وەک خراپترین بنەما لە جیهاندا ناسراوە.