مانگرتن و رۆژووی سیاسی زیندانیانی سیاسی لە زیندانی ئەوین، گەوهەردەشت و تارانی گەورە

 ژمارەیەک لە بەندکراوانی سیاسی عەقیدەتی لە زیندانەکانی ئەوین، گەوهەردەشت و تارانی گەورە لە راگەیەندراوێکدا رایانگەیاند کە لە نارەزایەتی بە رەوشی داخراوی سیاسی و نەبوونی ئازادیەکان، لە رۆژی یەکشەممە 27ی رەشەممەوە بۆ ماوەی سێ رۆژ مان لە خواردن دەگرن.

ئەو بەندکراوانە لە راگەیەندراوەکەیان هەروەها دەنووسن ئێمە ژمارەیەک لە بەندکراوانی سیاسی و عەقیدەتی وەڵات بەهۆی رەوشی داخراوی سیاسی وەڵات، نەبوونی ئازادی مەدەنی، رەچاونەکردن و وەدیی هاتنی دادپەروەری، گەندەڵی بەربڵاوی دەسەڵاتداران و وەڵامنەدانەوەی بەرپرسان، سەرکوت و دەستبەسەر کردنی بەردەوامی نارازیان و رەخنەگران و روناکبیرانی وەڵات هەر لە لاوان، کرێکاران، ژنان، خوێندکاران، کەمینە نەتەوەیی و دینیەکان و چالاکانی ژینگەپارێز، ماڵخوراوان و باقی چالاکە کۆمەڵایەتیەکان، پەرەسەندنی و بەرین بوونی ئاستی هەژاری و نەداری، زیادکردنی ئاماری بێکارانی وەڵات، کێشەی کەسب و کاری خەڵک، دابەزینی ئابووری و دیاردە ژینگەییەکان، نەبوونی پەرەپێدانی وەکیەکی ناوچەکانی وەڵات، هەڵسوکەوتی نادروستی هێزەکان و قازیەکان لە زیندانەکان لەگەڵ گیراوان و بەتایبەت لەگەڵ خانەوادەی زیندانیانی سیاسی و هەروەها بۆ دەربرینی هاودەردی لەگەڵ قوربانیانی قەتاری تەورێزـ مەشهەد، کەشتی سانچی و کەوتەخوارەوەی فرۆکەنەفەر هەڵگرەکە لە شاخی دێنا، رووداوی بێ ئەندازەی جادەکان و بەتایبەت بوومەلەرزە لێدراوانی کرماشان و خانەوادەگەلێک کە خۆشەویستەکانیان لە کاتی نارەزایەتی و کۆبوونەوە رەواکان و یان لە کاتی دەستبەسەرکراندا کوژراون، وە هەروەها بەنیشانەی نارەزایەتی مانگرتن لە خواردنی سێ رۆژە لە رۆژی یەکشەممە رێکەوتی 27ی رەشەممە هەتا کاتی گۆرینی ساڵ رادەگەیەنین.