سازمانی خه‌بات ی
کوردستانی
ئێران
رۆژی یەکشەممە رێکەوتی 27ی رەشەممەی 1396 بەرانبەر بە 18ی مارسی 2018، روودی جولیانی راوێژکاری سەرۆککۆماری ئامریکا بۆ ئاسایشی سایبری و شارەداری پێشوی
رۆژی یەکشەممە رێکەوتی 27ی رەشەممەی 1396 بەرانبەر بە 18ی مارسی 2018، روودی جولیانی راوێژکاری سەرۆککۆماری ئامریکا بۆ ئاسایشی سایبری و شارەداری پێشوی نیویۆرک، سەردانی مریەم رەجەوی سەرۆککۆماری هەڵبژێردراوی شۆرای ملی مقاومەتی ئێرانی کرد.
لەو دیدارو چاوپێکەتنەدا، بارودۆخی قەیراناویی رژیمی ئاخوندی و بەیایبەت لە دوای راپەرینە سەراسەریەکانی خەڵکی ئێران و پێویستی گرتنەبەری سیاسەتێکی بەبرشت لەراست رژیمی ئاخوندی، کە گەیشتۆتە قۆناغی کۆتایی خۆی، قسەو گفتوگۆیان لەسەر کرا.
مریەم رەجەوی گوتی: خەڵکی ئێران لە راپەرینی سەرانسەری خۆیاندا بە روونی و بە دەنگی بەرز، ویست و ئیرادەیان بۆ گۆرینی رژیمی ئێران دەربری و نیشانیاندا کە جگە لە روخانی رژیمی ئێران بە هیچی دیکە رازی نابن.
بەو پێیە کاتی ئەوە هاتووە کە جیهان رێز لەو داوایە بگریت و ئاڵترناتیفی دیموکراتیکی ئەم رژیمە دواکەوتوو و سەدە نێوەراستیە، بە رەسمی بناسێت.
رودی جولیانی، وێرای ستایشی راپەرینەکانی ئەم دوایەی خەڵکی ئێران گووتی: دەورو نەخشی موجاهدینی خەلق لە رێکخستنی ئەو نارەزایەتیانە کە سەرکردەو سەرۆک کۆماری رژیم ناچاربوون دانی پێدابنێن، نیشاندەری توانایی و زەرفیەتی مقاومەتی ئێران بۆ گۆرانکاری لە ئێراندا.
جولیانی گووتی: لە ئێراندا بە پێچەوانەی باقی ولاتانی ناوچەکە، ئاڵترناتیفی رژیمی دەسەڵاتدار بونی هەیە، بەو هۆیەوە روخانی ئەم رژیمە دەبێتە هۆی زیادکردنی ئاشتی و ئارامی لە ناوچەکەدا، ئەوەی کە رژمی ئێران زۆر بە توندی روبەرووی مەترسی کردۆتەوە.
ناوبراو پشتیوانی خۆی بۆ مقاومەتی ئێران لەژێر سەرکردایەتی مریەم رەجەوی، بۆ گۆرینی رژیم و دامەزرانی ئازادی و دیموکراسی، دووپات کردەوە.
