سازمانی خه‌بات ی
کوردستانی
ئێران
رۆژی دوشەممە رێکەوتی ٦خاکەلێوەی 1397 دۆناڵد ترامپ سەرۆک کۆماری ئامریکا بڕیاری دا بە دەرکردنی ٦۰دیپلۆماتی روسیە لە ئامریکا و داخستنی کونسولگەری ئەو وڵاتە لە شاری سیاتێل. کە 12 کەسیان لە هەیئەتی نوێنەرایەتی روسیە لە رێکخراوی نەتەوەکان کار دەکەن و بە پێی وتەی واشێنگتۆن راسپێراوی دەزگای زانیاری مسکۆن.
وێڕای ئامریکا، چواردە وڵاتی دیکەی ئورووپایی کە بریتیە لە ئاڵمان، کۆماری چێک، لەهێستان، فەڕانسە، ئۆکراین، هۆلەند و لتوانی رایانگەیاند کە دیپلۆماتکارانی روسیە لە وەڵاتەکانیان دەر دەکەن.
هەروەها دەوڵەتی کانادا وەک هاودەنگی لەگەڵ یەکیەتی ئوروپا، بڕیاری دەرکردنی چوار دیپلۆماتکاری رووسی داوە و لە قەبوڵ کردنی سێ دیپڵۆماتکاری دیکە پێشگیری کردوە .
ئەو هەنگاوەی دەوڵەتی ئامریکا و کانادا بە دوای هەنگاوی یەکیەتی ئورووپا بۆ دەرکردنی دیپلۆماتکارانی رووس بەهۆی دەرمانداو کردنی سیخۆرێکی رووس و کچەکەی لە ئێنگلستان هاتەئاراوە.
هەروەها لەلایەکی دیکەوە ۲٨وڵاتی ئەندام لە یەکیەتی ئوروپا لە راگەیاندراوێکدا رایانگەیاند کە نوێنەرەکانی خۆیان لە مۆسکۆ بانگ کردوەتەوە.
شایانی ئاماژەیە سرگەیی ئێسکریپال، سیخۆری دولایەنە رووس لەساڵی ۱۳٨۹لە نێوان ئامریکا و رووسیە ئاڵووگۆر کراو لە ئینگلیس نیشتە جێ بوو . ناوبراو و کچە ۳۳ساڵانەکەی یولیا لە رۆژی یەکشەممە 13ی رەشەمەی ۹٦بە شێوەی بێهۆش لە سەر کورسیک لە شاری سالیزبوور لە باشوری ئینگلیس دۆزرانەوە. دەوڵەتی ئینگلیس رووسیەی بە ئەنجام دانی ئەو کارە تۆمەتبار کرد.
