جێگری پاشای عەرەبستان هەرشەی کردەی سەربازی لە رژیمی ئێران دەکا

 محەمەد بن سەلمان جێگری پاشای عەرەبستان هۆشداری دەدا کە بژاردەی فشار بۆ سەر رژیمی ئێران کردەی سەربازیە.

ناوبراو داوای لە کۆمەڵگەی نێونەتەوەیی کرد بە فشاری ئابووری و سیاسی دژ بە رژیمی ئێران بەر بە پێکدادانی سەربازی راستەوخۆ لە ناوچەکە بگرن. 

رۆژی هەینی 10ی خاکەلێوەی 97 رۆژنامەی وال ئەستریت ژورنال بە بڵاوکردنەوەی ئەو هەواڵە نووسی: محەمەد بن سەلمان ئەو حەوتوویە بە وال ئەستریت ژورنالی وتوە کە گەمارۆکانی دژ بە تاران فشاری زیاتر بۆ سەر رژیمی ئێران دروست دەکات. عەرەبستان پێوەندی دیپلۆماتیکی خۆی لەگەڵ رژیمی ئێران وەستاندووە و فشاری بۆ سەر وەڵاتانی رۆژهەڵاتی ناوەراست و ئەفریقا هێناوە پێوەندیەکانیان لەگەڵ تاران سنووردار بکەن و وتوویەتی کە رژیمی ئێران لە کاروباری ناوخۆی وەڵاتانی عەرەبی دەستێوەردان دەکا.

ناوبراو وتی: ئێمە دەبێ سەرکەوین بۆ ئەوەی بەر بە پێکدادانی سەربازی بگرین. ئەگەر ئێمە لەوەی کە هەوڵی بۆ دەدەین سەرکەوتو نەبین، بە ئەگەری زۆر لە 10 هەتا 15 ساڵی داهاتوو لەگەڵ رژیمی ئێران شورمان دەبێ. محەمەد بن سەلمان وتی کەمتەرخەمی لە دەستێوەردانی رژیمی ئێران لە یەمەن دەبێتە هۆی قەیرانی گەورەتر. ئەگەر ئێمە لە 2015دا هەنگاومان نەدەنا یەمەنێکی دابەش کراو لە نێوان تاقمە چەکدارەکانی حوسی و ئەلقاعیدەمان دەبوو.

ئەو رۆژنامەیە لە درێژەدا نووسی: لە رۆژانی کۆتایی ئەو حەوتووە تاقمە چەکدارەکان ژمارە موشەکیان بە ریازی پێتەختی عەرەبستانەوە نا کە کوژراوێکی لێ کەوتەوە. محەمەد بن سەلمان ئەو هێرشانە بە نیشانەی لاوازی دەزانێ‌ و وتی تاقمە چەکدارەکانی حوسی دەیانەوێ پێش روخانیان ئەوەی لە دەستیان دێ بیکەن.