هێزەکانی رژیم  هاوولاتیەکی دێولانیان دەستبەسەر کرد

 هێزەکانی رژیمی ئێران لە دێی قوریچیای دێولان هاووڵاتییەکیان دەستبەسەر کرد.

بەپێی هەواڵ، ڕۆژی چوارشەممە ٨ی خاکەلێوە، هێزە سەرکوتگەرەکانی ئیدارەی ئیتلاعات لە شاری دێولان هێرشیان کردە سەر ماڵی هاووڵاتییەکی کورد بە ناوی "ئەحمەد ئەمین‌پەنا" و دەسبەسەر کرد.

ئەحمەد ئەمین‌پەنا، پێشتر بە تۆمەتی"بەڕێوەبردنی جێژنی نەورۆز و پڕوپاگەندە دژی نیزام" بە پێنج ساڵ زیندانیی حوکم درابوو کە بە دانانی بارمتەی ١٥٠  میلیۆن تمەنی بە شێوەی کاتی ئازاد کرا.

ئەو هاووڵاتییە کوردە، یەکێکە لە نزیکانی بنەماڵەی حوسێن‌پەناهی لە شاری دێولان، کە چەندین کەس لەو بنەماڵەیە هەنووکە لەلایەن هێزە ئیتلاعاتییەکانی رژیمی ئێرانەوە، زیندانی و حوکمی ئێعدامیان بە سەردا سەپاوە.