سازمانی خه‌بات ی
کوردستانی
ئێران
سەرۆکی رێکخراوی هەواڵگری ئیسراییل "موساد" دەڵێ سەدلەسەد دڵنیایە کە رژیمی ئێران لە هەوڵی وەدەستهێنانی چەکی ئەتۆمیەوەیە.
سەرۆکی رێکخراوی هەواڵگری ئیسراییل "موساد" دەڵێ سەدلەسەد دڵنیایە کە رژیمی ئێران لە هەوڵی وەدەستهێنانی چەکی ئەتۆمیەوەیە.
بەپێی راپۆرتی ئاسۆشیتدپرێس کە رۆژی چوارشەممە 15ی خاکەلێوە بڵاو بووتەوە، هاتووە کە یوسی کوئێن ماوەیەک لەوە پێش لە دانیشتنێکدا وتوویەتی کە کۆمەڵی نێونەتەوەیی دەبێ یان رێکەوتنی ناوەکەیی لەگەڵ رژیمی ئێران بگۆڕێ یان وەلای بنێ.
بەپێی ئەو راپۆرتە، یوسی کوئێن لەو کۆبوونەوەدا لەگەڵ بەرپرسانی پلەبەرزی ئیسراییل بەرێوەچووە، وتوویەتی کە پەرەسەندنی کردەوەی هێرشەبەرانەی رژیمی ئێران ئاکامی رێکەوتنی ناوەکەییە.
دۆناڵد ترامپ داوای لە وەڵاتانی ئوروپایی کردبوو کە هەوڵی چارەسەری کەموکوریەکانی رێکەوتنی ناوکەیی لەگەڵ رژیمی ئێران بدرێ و بۆ ئەو مەبەستەش کاتی دیاری کرد کە نزیک بە مانگێکی دیکە کاتە دیاری کراوەکەی سەرۆکی ئەمریکا تەواو دەبێ.
چاودێرانی سیاسی پێیان وایە دەرچوونی ئەمریکا لەو رێکەوتنە ئەگەرێکی بەهێزە بەتایبەت کە دۆناڵد ترامپ وەزیری دەرەوەی ئەمریکا و راوێژکاری ئاسایشی نەتەوەیی ئەمریکای گۆڕیوەو ئەو کەسانەی ئەو پۆستانەیان وە ئەستۆ گرتووە کەسانێکن کە دژی رێکەوتنی ناوکەیین.
