نامەی 300 کەس لە لایەنگرانی ئەحمەدی نژاد بۆ خامنەیی

 قەیران لە رژیمی ئێران تا دێ زیاتر دەبێ و لە تازەترین هەنگاودا 300 کەس لە لایەنگرانی ئەحمەدی نژاد بە ناردنی نامەیەک بۆ خامنەیی بەشێوەیەکی کەم وێنە بەرەورووی خامنەیی وەلی فەقیهی رژیم بوونەتەوە.

رۆژی پێنج شەممە 16ی خاکەلێوەی 1397 ماڵپەری ئەحمەدی نژاد نامەیەکی روو لە خامنەیی بە ئیمزای 300 کەس بڵاو کردەوە. ژمارەیەک لە بەرپرسانی پێشووی بەسیج و زانستگا و حەوزەکان ئەو نامەیان واژۆ کردووە و لەبارەی دۆخی رژیم خوازیاری دەستپێکردنی چاکسازی بوون. ئەو نامە کە پێش هەر شتێک دۆخی ئابووری خەڵک و لێکترازانی زیاتر باڵەکانی رژیم یشان دەدا هاتووە:

لە کاتێکدا پێ دەنێینە چل ساڵەی تەمەنی کۆماری ئیسلامی ئێران کە نیگەرانی و دڵەراوکێ لەبارەی داهاتووی وەڵات و مەودای نێوان خەڵک و دەسەڵات بە زۆرترین ئاست لە چوار دەیەی رابردوو گەیشتووە، دامەزراوەکان و عەڵقەکان لاوازتر و رووکەشتر بوون.

نارەزایەتی جەماوەری ساڵی 96 زەنگی مەترسیداری هەڵوەشانەوەی کۆمەڵایەتی ئێرانی لێداوە.

خەڵک حکومەت نەک بە هی خۆیان بەڵکوو لەبەرامبەر خۆیاندا دەبینن.

مەجلیسەکەمان بە زۆری کەسانی نەخوێندەوار و بێ توانا و کەمتەرخەمن کە بە خەرجی زۆرەوە رەوانەی ئەو خۆشیانە بوون.

دەزگای قەزایی بووەتە سەرچاوەی زوڵم و ستەم لە خەڵک

ئەنجومەنی چاودێری بووەتە هۆیەک بە رێگری کردن لە هەڵبژاردنی کەسانی بەتوانا.

شارەزایان (خوبرەگان) و پێشنوێژەکان رەوشی جەستەیی و هزریان بە جۆرێکە کە تێگەیشتنیان بۆ کاروبار، کەمترە لە تێگەیشتنی گشتی کۆمەڵگە و هەر حەوتوو هەڵوێست لاواز و سەیریان دەبێتە گاڵتەی کۆر و مەجلیسی خەڵک.

رێکخاروی دەنگ و رەنگ و راگەیەنە زۆر و پر خەرجیەکانی دیکە ئیتر هۆیەکن بۆ سەرلێشێواندنی خەڵک و شاردنەوەی راستیەکان و خواست و بابەتە جیددیەکانی کۆمەڵگە.

بەسیجیش تواوەتەوە و ئیتر توانای ئەوەی نیە دەور بگێرێ.

زاڵبوونی گوفتمانی وەلایمەداری بووتەهۆی ئەوەی کە بیری سەربەخۆ بە تەشەری جدۆراوجۆر وەلا خرێ.

پێ,ەند دانی ئەو نائومێدیە بە کێشەی کار، یان چارەسەر لەرێگەی سنووردار کردنی تۆرە کۆمەلایەتیەکان و فەزای مەجازی، یان بەهێز کردنی فەزای پۆلیسی، یان لە رێگەی ناردنی برێک پووڵ بۆ حیسابی چینێکی خەڵک، نەک تەنیا چارەسەر نەبوون، بەڵکوو بەزۆری کاریگەری پێچەوانەیان هەبووە.

وێدەچێ ساڵی 1397 ساڵێکی چارەنوسساز بێ بۆ شۆرشی چل ساڵەی ئێمە.

لە نامەی ئەو بەسیجیانەدا جێ جێ تانە و تەشەر لە خامنەیی دەدەن و دەڵێن: نابێ دروست بوونی ئومێد و بەهێز بونی ئومێدی کۆمەڵایەتی لەگەڵ هەڵەی زمانی بە هەڵە وەرگرن. روانگەی هەڵە بە دروست کردنی ئومێد لە بڵاوکراوەکانی فەرمی وەڵاتدا و سەرپۆش دانان لەسەر کێشە سەرەکیەکان و کارکردی هەڵەی دەسەڵاتی ئێستا بووتە هۆی جێبەجێ نەکردنی رێگەچارەکان و هۆیەکی سەرەکیە بۆ لاوازبوون و داکشانی زیاتر لە وەڵات. ئەو دۆخە بەهیچ شێوەیەک قەبوڵ ناکرێ و رەوتی داکشان و دوورکەوتنەوەیە لە شۆرشی ئیسلامی. دەزگای سیاسەتی دەرەوە بە سەرلێشێواوی لە نێوان سەرشۆری بەرجام و پاوانخوازی ناوچەیی و حەتا سەربەخۆیی وەڵاتیشی عەیبدار کردووە.

ئەو بەسیجیانە لە درێژەدا بەتانەوە بۆ خامنەیی دەنووسن: رێگری لە دروست بوونی سەندیکاو هەر رێکخراوێکی خەڵکی دەکرێ، و حەوزە و زانستگاکانمان داهێراون.  سەرچاوەی هزر و گۆرانکاری پشتیوانی ناکرێ بەڵکوو لەناو دەبرێ. لە وەها دۆخێکدا رێگەی یەکەم ئەوەیە کە لە ساڵی 97 دا ئەو رەوشە پێچەوانە بکرێتەوە و وەڵات بووە بە دڵقی بەستەکراوی ژمارەیەکی کەم کە ئەمە روانگەی دژە خەڵکی و خراپتر کردنی دۆخی ئێستایە. رێگەی دووهەم دەستپێکی چاکسازی بنەرەتی بنچینەیی و شۆرشگێڕانە لە ساڵی 97ە.

لە کۆتایی دا ئەو بەسیجیانە خوازیاری گەرانەوەی ئەحمەدی نژاد بۆ دەسەڵات بۆ ئەنجامدانی ئەو چاکسازیە بنەرەتیانە بوون و نوسیویانە، لەوە بەدەر لەو دوور رێیانەی تووشی نیزام بووە ئارامی وەڵات بە قازانجی دژمنانی ناوخۆ و دەرەوە تێکدەچێ.