لە سێ حەوتووی رابردوودا 4 کەس لە شاری مەهاباد خۆیان هەڵواسیوەو کۆتاییان بە ژیانی خۆیان هێناوە.
لە سێ حەوتووی رابردوودا 4 کەس لە شاری مەهاباد خۆیان هەڵواسیوەو کۆتاییان بە ژیانی خۆیان هێناوە.
بەپێی هەواڵەکان، ڕۆژی چوارشەممە 22ی خاکەلێوەی 1397 ژنێکی خەڵکی مەهاباد بەناوی پەری ترکە کچی رەحمان لە ماڵی بابی خۆی هەڵواسیوەو کۆتایی بە ژیانی خۆی هێناوە.
دەگوترێ ئەم ژنە چەند مانگێک لەوەپێش لە مێردەکەی جیابووتەوەو تووشی نەخۆشیی دەروونی بووەو لە ماڵی بابی ژیاوە.
پێشتر و رۆژی 17ی خاکەلێوەیش لاوێکی خەڵکی مەهاباد بە ناوی ئومید ئومیدپەروەر ناسراو بە فەرهاد و کوڕی ئیبراهیم، بەهۆی کێشەی خانەوادەییەوە خۆی هەڵواسیوەو کۆتایی بە ژیانی خۆی هێناوە.
بەپێی راپۆرتەکان لەماوەی سێ حەوتووی رابردوو دوو ژن و دوو پیاو لە مەهاباد خۆیان کوشتووە کە ئامارەکان دەرخەری ئەوەن خۆ کوژی لە شاری مەهاباد بەشێوەیەکی کەم وێنە پەرەی سەندووە.