سازمانی خه‌بات ی
کوردستانی
ئێران
بەرێوەبەری گشتی قەیران لە ئێراندا رایگەیاند کە ساڵانە 2600 هێکتار لە دارستان و لەوەرگەکانی لورستان لەناو دەچن.
بەرێوەبەری گشتی قەیران لە ئێراندا رایگەیاند کە ساڵانە 2600 هێکتار لە دارستان و لەوەرگەکانی لورستان لەناو دەچن.
بەپێی راپۆرتی هەواڵدەری ئیسنا، رەزا ئاریایی لە کۆبونەوەی دەستەی ئاگرکوژێنەوەی پارێزگای لورستان گوتی: لەماوەی پێنج ساڵی رابردوو دا 13 هەزار هێکتار لە دارستان و لەوەرگەکانی ئەو پارێزگایە لەئاگردا سوتاوە.
رەزا ئاریایی لەپێوەند بە نارەزایەتی زەوی و زاری کشتوکاڵی، بەرهەمهێنانی زوغاڵ، پشتگوێ خستنی گەشتیاران و تێکهەڵچونە خۆماڵی و تایفەییەکان بە گرنگترین هۆکارەکانی ئاگر کەوتنەوە لە لورستان ناوهێنا.
بەپێی سەرژمێریەکان لەماوەی 10ساڵی رابردوودا نزیکەی 143هەزار هێکتار لە لەوەرگەو دارستانەکانی ئێران بەهۆی ئاگر کەوتنەوەوە لەناو چون. نەبونی فرۆکەو هلیکۆپتەری ئاوپاش یەکێک لە هۆکارەکانە بۆ دواخستنی کوژاندنەوەی ئاگرەکان لە دارستانەکانی ئێراندا.
بەرپرسانی رێکخراوی ژینگە و رێکخراوی دارستانەکانی ئێران رایانگەیاندووە کە 95 لەسەدی سوتانی دارستانەکان هۆی مرۆییە.
