سازمانی خه‌بات ی
کوردستانی
ئێران
رۆژی یەکشەممە 2ی بانەمەری 1397 ئەمانوئێل ماکرۆن سەرۆک کۆماری فەرانسە ، لە چوارچێوەی سەفەرەکەیدا بۆ ئامریکا و لە وتوێژێکدا لەگەڵ فاکس نیوز لەپێوەند بە چونەدەرەو
رۆژی یەکشەممە 2ی بانەمەری 1397 ئەمانوئێل ماکرۆن سەرۆک کۆماری فەرانسە ، لە چوارچێوەی سەفەرەکەیدا بۆ ئامریکا و لە وتوێژێکدا لەگەڵ فاکس نیوز لەپێوەند بە چونەدەرەوە لە سوریە وریایی داو گوتی: رۆژێک کە ئێمە ئەو شەرەمان لەدژی داعش کۆتای پێهێناو ئەو شوێنەمان بەجێ هێشت، بە دڵنیاییەوە لەروی سیاسیشەوە مەیدان بۆ رژیمی ئێران، بەشار ئەسەد و ئەو کەسانە چۆڵ دەکەین و ئەوانە ئامادە دەبن بۆ شەرێکی تر.
ئەوانە ترۆریسمێکی تازە دروست دەکەنەوە، بۆیە تێبینی من ئەوەیە کە تەنانەت لەدوای شەریش دژی چەکدارەکانی داعش، ئامریکا، فەرانسەو هاوپەیمانەکانمان و هەموو وڵاتانی ناوچەکە تەنانەت روسیەو تورکیەش، دەورو نەخشێکی گرنگیان دەبێت لە کایەکەدا بۆ ئەوەی کە سوریەیەکی تازە دروست ببێت و دڵنیابن کە خەڵکەکەی بریار دەدەن لەپێوەند بە ئایندەی ئەو وڵاتە.
