سازمانی خه‌بات ی
کوردستانی
ئێران
لە واشنتۆن کونفرانسێکی چاپەمەنی لەبارەی بەرنامەی مووشەکی رژیمی ئێران بە ئامادەبوونی بەپرسانی پلەبەرز و کارناسان بەرێوەچوو.
لە واشنتۆن کونفرانسێکی چاپەمەنی لەبارەی بەرنامەی مووشەکی رژیمی ئێران بە ئامادەبوونی بەپرسانی پلەبەرز و کارناسان بەرێوەچوو.
رۆژی 19ی بانەمەڕی 97 لە کونفرانسێکی چاپەمەنی لە واشنتۆن کە لە لایەن نوێنەرایەتی شۆرای ملی مقاومەتی ئێران بۆ ئاشکرا کردنی بەرنامەی مووشەکی رژیم بەرێوەچوو ژمارەیەک لە بەرپرسانی پلەبەرز و کارناسانی نێونەتەوەیی ناوکەیی و مووشەکی بەشداریان کرد.
لەو کونفرانسەدا کتێبی نوێی نوێنەرایەتی شۆرا لەژێر ناوی " پێکهاتەی مووشەکە بالستیکەکانی رژیمی ئێران، هەنگاوێک لە لە رەوتی دروست کردنی مووشەکی هەڵگری کڵاوەی ناوکەیی" ناسێندار.
عەلیرەزا جەعفەرزادە لەگەڵ ناساندنی کتێبەکە وتی: ئەو کتێبە تیشک دەخاتە دروست کردنی قەیران و تیرۆریزم کە مانەوەی رژیم پێویستی پێیەتی.
سیاسەتی رژیم لەسەر سێ بنەمایە: پشتیوانی لە تاقمە تیرۆریستیەکانی سەربەخۆیان، بەرنامەی ناوکەیی و مووشەکی دارێژراوە.
بەدەست هێنانی بۆمبی ناوکەیی لە دڵی هەوڵە ناوکەییە بە رووکەش ئاشتیخواز جێگەی گرتووە. بەرنامەی مووشەکی لەئەستۆی بەشەکانی سوپا وەک سوپای قودس و هێزی هەوایی سوپایە.
ناوبارو هەروەها وتی بەرنامەی مووشەکی، بەرنامەی ئەتۆمی و هەنادەکردنی تیرۆریزم، لەگەڵ سەرکوتی خەڵکی ئێران هۆی پاراستنی دەسەڵاتی ئاخوندین. مایەدانان بۆ ئەو بەرنامانە بەبێ مایەدانان بۆ خواستی خەڵکی ئێران بۆ روخانی ئەو رژیمە ئاکامی نابێ.
شایانی گوتنە ژمارەیەکی بەرچاو لە بەشدارانیش راو سەرنجی خۆیان لەسەر هەوڵەکانی رژیم دەربری.
