سازمانی خه‌بات ی
کوردستانی
ئێران
موقتەدا سەدر رۆحانی شیعە مەزهەب لە دوای سەرکەوتنی لیستەکەی لە هەڵبژاردنەکانی عێراق رایگەیاند کە دەوڵەتی داهاتووى عێراق بەبێ بوونی ئێران و بەبێ هاوپەیمانی لەگەڵ
موقتەدا سەدر رۆحانی شیعە مەزهەب لە دوای سەرکەوتنی لیستەکەی لە هەڵبژاردنەکانی عێراق رایگەیاند کە دەوڵەتی داهاتووى عێراق بەبێ بوونی ئێران و بەبێ هاوپەیمانی لەگەڵ دەستوپێوەندەکانی کۆماری ئیسلامی پێک دێ.
بەپێی هەواڵی هەواڵدەری ئاواتودەی، 23ی بانەمەر لە دوای هەڵبژاردنەکانی پارلمانی عێراق تیرۆریستی دیار قاسم سلێمانی سەرکردەی سوپای تیرۆریستی قودسی رژیم وەک نوێنەری خامنەیی چووەتە بەغداو لەگەڵ نوری مالکی، هادی عامری، قەیس خەزعەلی، ئیبراهیم جەعفەری و ئەبو مەهدی موهەندیس کۆبووەتەوە.
بەپێی ئەو سەرچاوەیە، موقتەدا سەدر نەک داوای دیداری قاسم سلێمانی رەت کردووەتەوە بەڵکوو ماوەی 48 سەعاتی بۆ ئەو تیرۆریستە داناوە کە لە عێراق بچێتە دەر.
هەروەها سەرۆکی دەفتەری سیاسی موقتەدا سەدر رایگەیاند کە قاسم سلێمانی لە هەوڵدایە هاوپەیمانیەک لە گروپەکانی نوری مالکی، هادی عامری، حەیدەر عەبادی و یەکیەتی نیشتمانی پێک بێنێ. ناوبراو وتی ئەگەر ئەو کارەی پاسدار سلێمانی سەر بگرێ لایەنگرانی سەدر مافی قانوونی و دیموکراتیکی خۆیان بەکار دێنن و رێگە نادەن هیچ دەوڵەتێک بە ئیرادەی ئێران پێک بێ.
