نۆهەمین رۆژی مانگرتنی خاوەن بارهەڵگرەکان

 ئەمڕۆ چوارشەممە 9ی جۆزەردانی ۹·مانگرتنی بارهەڵگرە گەورەکان بۆ ماوەی نۆ رۆژە بەردەوامە ،ئەم مانگرتنە تا ئێستا بۆ ۲٥·شار پەرەی سەندوە 

هەموو بەڵێن و فریوکارییەکانی رژیمی ئاخوندی بۆ کۆتایی هێنان بەم مانگرتنە تا ئێستا ئاکامی نەبووە و لە راپۆرتەکاندا دیارە لە شارەجۆراوجۆرەکانی ئێران مانگرتن درێژەی هەیە  ،شۆفێری ماشینە بارهەڵگرەکان لە درێژەی مانگرتنی خۆیان رێگای  خاوەرانیان بەستووە.  لە رۆژی رابردوو شۆفێری کۆمپانیای هەڵگرتن و گواستنەوەی (تیپاکس) لەتاران و شۆفێری تاکسیەکان لە ورمێ و قائیمشار،بۆ هاوکاری لەگەڵ مانگرتنی گشتی ،کاری خۆیان بە جێ هێشت و لە هەر بار لێدانێک خۆیان بوارد.

لە حەوتەمین رۆژیشدا ،زۆربەی بەرهەڵگرەکانی ترمیناڵی بارهەڵگرتن لە نەسیم شار لە پارێزگای تاران داخران و  هاتنە ریزی مانگرتنی بارهەڵگرەکان.

هەروەها نەفتگەرانی ئێران لە رێکەوتی ٦ی جۆزەردانی ۹·بە دەرکردنی راگەیاندراوێک پشیوانی خۆیانیان لە بارهەڵگرە گەورەکان راگەیاند .

داواکاری خاوەن بارهەڵگرەکانی مانگرتوو:

شۆفێری بارهەڵگرە گەورەکان و ماشینە گەورەکان سەر لەبەیانی 1ی جۆزەردان لە نارەزایەتی لەپێوەند بە بارودۆخی بژێوی خۆیان،کرێ باری کەم ،زۆر بوونی تێچووی لۆجستیکی و.....مانگرتنیان دەست پێ کرد .

شۆفێری بارهەڵگرەکان داوای بردنەسەرەوەی کرێ بە لەبەرچاو گرتنی مافی دژواری کار ،مافی خانە نشینی بە ۲٥ساڵ پێشینەو هەروەها رێگەنەدان بە تاڵانی رژیم بە بیانوی جۆراوجۆر وەکوو عەوارزی و کۆمیسیۆنێک کە کاربەدەستانی رژیم لە هەر ترمیناڵێک بە کەیفی خۆیان و بە بێ بوونی چوارچێوەی دیاریکراو ،دیاری دەکەن نارەزایەتی خۆیان دەربڕی .