سازمانی خه‌بات ی
کوردستانی
ئێران
لە چەند رۆژی رابردودا هاووڵاتیەکی کورد، بە ناوی "باقر ڕۆستەمی" تەمەن ٤٧ ساڵ کوڕی فەرەج، خەڵکی گوندی "تەوریوەر" سەر بە ناوچەی "ژاوەرۆ"ی شاری سنە، لە لایەن هێزە
لە چەند رۆژی رابردودا هاووڵاتیەکی کورد، بە ناوی "باقر ڕۆستەمی" تەمەن ٤٧ ساڵ کوڕی فەرەج، خەڵکی گوندی "تەوریوەر" سەر بە ناوچەی "ژاوەرۆ"ی شاری سنە، لە لایەن هێزە ئیتلاعاتییەکانەوە گیراوە.
شاهێدێک ئاماژەی بەوە کردووە کە هێزەکانی ئیتلاعات هێرشیان کردووەتە سەر ماڵی ئەو هاووڵاتییە کوردە و ناوبراویان گرتوە.
بنەماڵەی ئەو هاووڵاتییە لە هۆکاری گرتنی باقر بێئاگایی خۆیان دەربڕیوە، بەڵام هەواڵە بڵاوکراوەکان باس لەوە دەکەن کە ناوبراو بەتاوانی بونی پێوەندی لەگەڵ حزبە کوردستانیەکان زیندانی کراوە.
تا کاتی بڵاوبوونەوەی ئەم هەواڵە، ئەو هاووڵاتیە لە گرتووخانەی ئیدارەی ئیتلاعاتدایە و هیچ زانیارییەک لە چارەنووسی ناوبراو لە بەردەستدا نییە.
هەواڵدەری کوردپا ئاماژەی بەوە کردووە کە دوو هاووڵاتیی کورد، بە ناوەکانی "ئەمجەد قادری و مووسا یووسفی" خەڵکی گوندی "چۆڕ"ی شاری مەریوان کە ڕۆژی ٨ی جۆزەردان، لە لایەن هێزە ئیتلاعاتییەکانەوە بە تۆمەتی "چالاکیی سیاسی" زیندانی کرابوون، بە دانانی بارمتە بە شێوەی کاتی ئازاد کراون.
