چونەدەرەوەی هێزە کوردە چەکدارەکانی سوریە لە منبەج

 هێزە چەکدارەکانی کورد ناسراو بەهێزەکانی پاراستنی گەل (ی پ گ) یەکێکە لە هێزە سەرەکیەکان کە لە شەر دژی داعش لە سوریە رۆڵی سەرەکیان هەبوو، کە لەلایەن هاوپەیمانی دژی داعش بە سەرپەرەستی ئامریکا پشتیوانی لێدەکرێت.
ی پ گ بە پشتیوانی هاوپەیمانی دژی داعش بە سەرۆکایەتی ئامریکا، لەماوەی دو ساڵی رابردودا ناوچەی منبەجیان لەدەستی داعش ستاندەوە، بەڵام مانەوەی ئەوان لە باکوری سوریەدا بوە هۆی دروستبونی کێشە لەنێوان واشینگتۆن و ئانکارا.
لەو پێوەندەدا وەزیری دەرەوەی ئەمریکا، مایک پەمپێئۆ و مەولود چاوش ئۆغلۆ وەزیری دەرەوەی تورکیە کۆبونەوە.
وتوێژەکانی وەزیرانی دەرەوەی ئەمریکاو تورکیە بۆ چارەسەری کێشەی نێوان ئەو دو وڵاتەبوو لەسەر بونی هێزە کوردەکان لە منبەجدا، دوابەدوای ئەوە هێزەکانی پاراستنی گەل( ی پ گ)، رایگەیاندووە کە هێزەکانی 15ی جۆزەردان لەناو خاکی منبەجدا دەباتە دەرەوە.
ی پ گ، شاخەی سەربازی حزبی هاوپەیمانی دیموکراتیکی سوریەیە، پیکهاتەیەک لە کوردەکانی سوریە.
هێزی دیموکراتیکی سوریە پێک دێن لە کورد و غەیرە کورد کە لە ژێر چاودێری هاوپەیمانی دژی داعشدا بە سەرۆکایەتی ئامریکادان.
ئەریک پاهون، وتەبێژی پنتاگۆن بە پەیامنێرەکانی گوتوە کە هیچ بەرنامەیەک نیە بۆ چونەدەرەوەی هێزەکانی ئامریکا لە منبەج، هەرچەند تا ئێستا نەخشە رێگای منبەج لەحاڵی دروستبوندایە و لە داهاتودا رادەگەیەنرێ‌.

چاوش ئۆغلۆ وتویەتی کە ئامانج لەو نەخشە رێگایە، لەناوبردنی تەواوی گروپە ترۆریستیەکان و لە هەمانکاتدا گەرانەوەی  دامەزراوەیی و ئاسایشە بۆ ناوچەی منبەج.