سازمانی خه‌بات ی
کوردستانی
ئێران
ڕۆژی سێشەممە ڕێکەوتی ١٨ی ڕەشەمەی ١٣٩٤ی کۆچی خۆری، بە بۆنەی ٨ی مارس، ڕۆژی جیهانیی ژن سێمینارێک لەژێر ناوی "پێگەی ژن کورد" لە شاری هەولێر بەرێوە چوو. شاندێکی رێکخراوی ئافرەتانی خەبات ی کوردستانی ئێران بە سەرپەرشتی بەرێز خاتوو ئەوین فەرەجی ئەندامی دەستەی بەرێوەبەری رێکخراو لەسەر بانگهیشتی یەکیەتیی ژنانی دێموکراتی کوردستانی ئێران لەو سیمینارەدا بەشدارییان کرد. ئەو سیمینارە بۆ بەرێزان دکتور میرۆ عەلیار و ناهید حوسێنی رێکخراوبوو کە تێیدا باس لە شەپۆلەکانی بزووتنەوەی ژن لە جیهاندا بە گشتی و بزووتنەوەی ژنی کورد بە تایبەتی و هەروەها گرێدراوی خەباتی نەتەوەیی و خەبات بۆ نەهێشتنی هەڵاواردنی رەگەزی کرا.
