سازمانی خه‌بات ی
کوردستانی
ئێران
رۆژی دوشەممە رێکەوتی 22ی جۆزەردان، دۆناڵد ترامپ سەرۆک کۆماری ئامریکا، و کیم جۆنگ ئون، سەرۆک کۆماری کورەی باکور، لە وەڵاتی سەنگاپور دیدارێکی مێژووییان ئەنجام دا
ئەوە یەکەم جارە کە سەرۆک کۆماری ئامریکا لەگەڵ رێبەری کورەی باکور چاوپێکەوتن دەکات.
تەوەری سەرەکی وتوێژەکانیان لەسەر بەرنامەی ناوکەیی پیۆنگ یانگ و هەوڵەکان بۆ داماڵینی چەکی ناوکەیی نیوە دورگەی کورە بوو.
هەریەکە لە مایک پەمپێئۆ، وەزیری دەرەوەی ئامریکا، جان کولی، سەرۆکی دەفتەری کۆشکی سپی، جان بۆڵتۆن، راویژکاری ئەمنیەتی نەتەوەیی سەرۆکی ئامریکا، هاورێبون لەگەڵ دۆناڵد ترامپ لەو دیدارەدا.
لەو چاوپێکەوتنەدا هەردو سەرۆک گەیشتنە رێکەوتنێک کە بەپێی ئەوە هەردولا بەڵێنیان دا کە هەنگاو بنێنن بەرەو داماڵینی چەکی ناوکەیی لە نیوە دورگەی کورە. هاوکات وەڵاتە یەکگرتوەکان بەڵێنی ئەمنیەتی دایە کورەی باکور.
