خۆکوژی دو کچی مێرمنداڵ لە سەرپێلی زەهاو

رۆژی یەکشەممە رێکەوتی 7ی گەلاوێژ، دو کچی مێرمنداڵی تەمەن 16و 17 ساڵە خۆیان کوشت

ئەو دو کچە بەناوەکانی مریەم رۆستەمی، تەمەن ١٧ ساڵ و خەڵکی گوندی زەعفەران، نووشین رۆستەمی، تەمەن ١٦ ساڵ و خەڵکی گوندی قەڵخانی سەرپێڵی زەهاو، بەهۆی فشارێکی زۆری دەرونی و خراپی و سەختی ژیانیان لە دوای بومەلەرزەکەی سەرپێلی زەهاو، دەستیان داوەتە ئەو کارە.

هەواڵدەری هەنگاو: سەرچاوەیەکی ئاگادار و نزیک لە بنەماڵەی ئەوو دوو کچە مێرمنداڵە وتویەتی کە ئەو دوو کچە لە ڕێگای خواردنی حەب و لە ماوەی کەمتر لە چەند کاتژمێر کۆتاییان بە ژیانی خۆیان هێناوە.

ناوبراو لە درێژەدا وتی کە مریەم و نووشین لەماوەی چەند حەفتەی ڕابردوودا بە هۆی گوشاری دەروونی کە هۆکارەکەی ژیانی سەخت و پڕ ئازاری دوای بوومەلەرزە بووە، تووشی خەمۆکی ببوون.