دوو لەسەر سێی بەشی کۆمپانیە ئەڵمانیەکان ئێرانیان بە جێ هێشت

ئەم کۆمپانیانە لەترسی سزا دان لەسەر بەرچاونەگرتنی گەمارۆکان و هەروەها بارودۆخی خراپی ئابووری ئەو وەلاتەیە کە ئێرانیان بە جێ هێشتووە و کۆمپانیەکانی دیکەش داهاتووێک روون بۆدرێژە پێدان بە هەلسوورانیان نابینن .

بە پێ راپۆڕتی رادیو ئەڵمانیا ،کارناسی بەشی نێونەتەوەیی ژووری بازەرگانی ووتویە :زۆرێک لە کۆمپانیە ئەڵمانیەکان ناتوانن لە بازاری ئەمریکا چاوپۆشی کەن بۆیە تەنیا رێگایان دەس هەڵگرتن لە هاوکاری کردن لەگەڵ ئێرانە .

بە پێی وتەی ئەم کارناسە تەنانەت ئەگەر مۆری سەفەر بۆ ئێران لە پاسپۆڕتی ئەوکەسانە بێ کە لەو کۆمپانیانە کار دەکەن ،دەبێتە هۆکارێک بۆ دروست کردنی کێشە لەسەر روێشتنیان بۆ ئەمریکا.

تەنانەت ئەو کۆمپانیانە کە لەگەڵ ئەمریکا پەیوەندی بازەرگانی و هاوکاریان نییە ناتوانن بە دڵنیایی درێژە  بە هاوکاریان لەگەڵ ئێران بدەن .کێشەی سەرەکی ئەوان موعاملەی ئەلکترۆنیە .