دوانیوەرۆی ڕۆژی دووشەممە، 19ی خەرمانانی 1397 شاندێکی سەرکردایەتی سازمانی خەبات ی کوردستانی ئێران بەشدارییان لە پرسەی شەهیدانی پەلامارە ترۆریستیەکەی رژیمی ئێرا
دوانیوەرۆی ڕۆژی دووشەممە، 19ی خەرمانانی 1397 شاندێکی سەرکردایەتی سازمانی خەبات ی کوردستانی ئێران بەشدارییان لە پرسەی شەهیدانی پەلامارە ترۆریستیەکەی رژیمی ئێران بۆسەر بارەگاکانی هەردوو حیزبی دیموکراتی کوردستان و حیزبی دیموکراتی کوردستانی ئێران کرد
رۆژی ٨ی سێپتامبری ٢٠ ١٨ ناوەند و بنکەکانی دەفتەری سیاسی هەردوو لایەنی حیزبی دیموکراتی کوردستانی ئێران و حیزبی دیموکراتی کوردستان کەوتنە بەر هێرشی مووشەکی و ئاسمانی ڕێژیمی ئاخوندی ئێران و ژمارەیەک لە ئەندامانی ڕێبەری و کادر وپێشمەرگەی هەردوو لایەنەکە شەهید و برینداربوون.
شاندی سازمانی خەبات بە سەرپەرشتی سەید کامیل نورانی فەرد ئەندامی دەفتەری سیاسی و هاوریەتی بەرێزان خاتوو زێنەب حوسێنی، خاتوو شیلان محەممەدی و کاک شۆڕش حاجی ئەندامانی کومیتەی ناوەندی سازمانی خەبات لە نزیکەوە چاویان بە بەرپرسانی هەردوو لایەنی حیزبی دیموکرات کەوت و سەرەخۆشی و هاوخەمی سازمانی خەبات و سکرتێری گشتیان پێراگەیاندن و هەروەها ئامادەیی خۆیان بۆ هەر جۆرە یارمەتیەک پیشاندا.
جێگەی باسە شاندی رێکخراوی ئافرەتانی خەبات ی کوردستان بەشدارییان لە پرسەی ژنان کرد و لە نزیکەوە چاویان بە خانەوادە و کەس و کاری شەهیدان و هاوخەمی خۆیان بۆ ئەو کۆستە گەورەیە دەربری.