بەشداری کۆمیتەی فینلاندی سازمان لە پرسەو سەرەخۆشی شەهیدانی ١٧ی خەرمانان

رۆژی یەکشەممە ٢٥ی خەرمانانی ١٣٩٧ی هەتاوی هەیئەتێکی کۆمیتەی فینلاندی سازمانی خەباتی کوردستانی ئێران پێکهاتوو لە بەرێزان کاک جەلالی شەریفی بەرپرس، کاک محەمەدی شێخە و کاک شوانە شێخە ئەندامانی کۆمیتە و ژمارەیەک لە ئەندامانی و دۆستانی سازمان بەشداریان کرد لە کۆڕی پرسە و سەرەخۆشی شەهیدانی ١٧ی خەرمانان کە لە شاری تۆرکۆ لەلایەن کۆمیتەی هاوکاری هێزە کوردستانیەکان لەو وەڵاتە بەرێوەچوو.

هەیئەتی کۆمیتە لە نزیکەوە پرسەو سەرەخۆشیان لە خانەوادە و کەس و کاری شەهیدان و بەرپرس و ئەندامانی هەر دوو لایەنی حیزبی دیموکرات کرد و هەوڵە نەزۆک و ترسنۆکانەی رژیمیان مەحکوم و پرۆتستۆ کرد.

شایانی گوتنە رۆژی دوو شەممە 18ی خەرمانان و رۆژێک پاش پەلامارە مووشەکیەکەی رژیمی ئێران بۆ سەر بنکەی هێزەکانی کوردستانی ئێران و ئێعدامی سێ لاوی کورد لە گرتوخانەکانی ئەو رژیمە، لە شاری هیلسینکی پێتەختی وەڵاتی فینلاند رەوەندی کوردی لەو وەڵاتە لەبەردەم سەفارەتی رژیمی ئاخوندی گردبوونەوەیەکی نارەزایەتی بەرینیان بەرێوەبرد کە ئەندامانی کۆمیتەی فینلاندی سازمان بەشداریەکی بەرچاویان تێدا کرد.