نیکی هێلی: لە کۆبونەوەی شۆرای ئەمنیەت بە ئامادەبونی ترامپ چالاکیە تێکدەرانەکانی رژیمی

 نیکی هێلی سەفیری ئامریکا لەرێکخراوی نەتەوە یەکگرتوەکان، لە کۆبونەوەی ئەنجومەنی ئاسایش بە ئاشکرایی ووتی: رژیمی ئێران هەروا کێشەیەکی گەورەیە ،بوونی ئەم رژیمە لە هەر شوێنێک لە جیهاندا مەترسی هەیە ،بۆیە بەدڵنیاییەوە باسکردن لە  هێزە جێگرەوەکانی رژیمی ئێران و کردەوە تێکدەرانەکەی  لەناوچەی خۆرهەڵاتی ناوەراست یەکێ لەبابەتەکانی ئەنجوومەنی ئاسایش دەبێت .

ناوبراو ئاماژەی بەوە کرد کە هیچ رژیمێک وەکو رژیمی ئێران سەرچاوەی ئاژاوەگێری نییە. بەدڵنییاییەوە کاتێک باس لە چەکی ناوکەیی و چەکی کۆمەڵکوژی دەکرێ ئێران بەشێک لە باسەکانمانە .ماوەی چل ساڵە کە رژیمی ئێران سنوری یاساکان تێپەڕ دەکات و هەر شەر و بشێویەک کە رودەدات ناوی رژیم دێت.

ناوبراو ووتی رژیمی ئێران لەو دیکتاتورانەی کە دژ بە خەڵکی خۆیان لە چەکی کیمیایی کەڵکیان وەرگرتووە پشتیوانی کردوە .

سەفیری ئامریکا لە رێکخراوی نەتەوە یەکگرتووەکان ووتی :لە چەن مانگی رابردودا دەسدرێژییەکانی رژیمی ئێران زیاتر بووە و بەشێوەیەکی بەرچاو و روون لەبواری پارە و پەروەردە و پێداویستی پشتیوانیان دەکات.

رژیمی ئێران دەیهەوێ چالاکی ترۆریستی  لەعێراق پەڕە پێ بدات . لە درێژەی قسەکانیدا ناوبراو ووتی رژیمی ئێران دەیهەوێ عێراق  وڵاتێکی لاواز بێت تاچالاکیەکانی خۆی لەوێ درێژە پێبدات .