سازمانی خه‌بات ی
کوردستانی
ئێران
_3.jpg)
دۆناڵد تڕامپ سەرۆک کۆماری ئامریکا لە هەفتاوسێیەمین کۆبونەوەی کۆڕی گشتیی نەتەوەیەکگرتووەکان،بە ئاماژەکردن بە رووداوەکانی جیهان و، بە جەخت کردنەوە لە سەر قەیران
دۆناڵد تڕامپ سەرۆک کۆماری ئامریکا لە هەفتاوسێیەمین کۆبونەوەی کۆڕی گشتیی نەتەوەیەکگرتووەکان،بە ئاماژەکردن بە رووداوەکانی جیهان و، بە جەخت کردنەوە لە سەر قەیرانەکانی خۆرهەڵاتی ناوەڕاست، باسی لە بارودۆخی ئابووری و سیاسیی ئێران کرد
ناوبراو سەرەرای ئاماژەکردن بە قەیران و تەنگژەکانی ناوچەکە و بە تایبەت سوریەو دەورونەخشی تێکدەرانەی رژیم لە شەری ئەو وڵاتەدا گوتی: پێویستە هەرجۆرە رێگەچارەیەک بۆ قەیرانی مرۆیی لە سوریەدا وەک ستراتیژیەک بۆ بەگژداچونەوەی رژیم بێت کە دابینکەری ماڵی ئەو قەیرانەیە. هەروەها گوتی کە دەبێ رژیم کۆتایی بە دەستێوەردان و کێشەنانەوە لەو وڵاتە بێنێ.
سەرۆک‌کۆماری ئامریکا بە باس کردن لە هەلومەرجی سیاسی و ئابووریی ئێران، ڕێبەرانی ئێرانی بە فێڵ‌باز و فریوکار ناوزەد کرد و وتی کە بەرپرسانی باڵای رژیمی تاران، سەروەت و سامانی خەڵکی ئێرانیان لە گیرفانی خۆیان ناوە.
ناوبراو هەروەها پێداگری کردەوە کە دەبێ تاران پڕەنسیپ و چواڕچێوە نێونەتەوەییەکان بپارێزێ و واز لە دەستێوردان و پێشێلکارییەکانی لە ناوچەکە بهێنێت.
سەرۆک‌کۆماری ئامریکا لە درێژەی قسەکانی‌دا ئاماژەی بە سەرەرۆییەکانی رژیمی ئاخوندی دا و، بە وەبیرهێنانەوەی کشانەوەی وڵاتەکەی لە گرێبەستی “بەرجام” و وەگەڕ خستنەوەی گەمارۆ نوێیەکان بۆسەر ئێران، باسی لەوەش کرد کە خولی دووەمی ئەو گەمارۆیانە بەڕێوەیەو، لە ٥ی نوامبری ئەمساڵ دەخرێتە بواری جێبەجێ کردنەوە.
دۆناڵدتڕامپ لەو پێوەندییە‌دا داوای لە سەرجەم وڵاتانی جیهان کرد، کە بە مەبەستی پشتیوانی کردن لە خەڵکی چەوساوەی ئێران، واز لە هاوکاری و پشتیوانی کردنی رژیمی ئاخوندی بهێنن و پێوەندییە بازرگانییەکانی خۆیان لەگەڵ ئەو رژیمە رابگرن.
