مانگرتنی گشتی شۆفێری بارهەڵگرەکان پێی نایە پێنجەمین رۆژ

 رۆژی شەممە رێکەوتی 31ی خەرمانان، خولی نوێی مانگرتنی گشتی شۆفێری بارهەڵگرەکان دەستی پێکردەوە. ئەم خولە نوێیە بەهەمان شێوە درێژەدەری مانگرتنی مانگەکانی جۆزەردان و گەلاوێژە کە شۆفێران درێژەی دەدەن و بەئامانجی هاتنەدی ویست و داواکانیان وەک: نوێکردنەوەی دامەزراوە سنفیەکانی شۆفێران لەرێگەی هەڵبژاردنی ئازاد، رێکخستنی نرخی بارهەڵگرتن و گواستنەوە، بەرزبونەوەی نرخی بارهەڵگر، بەرزکردنەوەی ئاستی ئەمنیەتی جاددەکان، رێکخستنی سوتەمەنی بۆ خاوەن بارهەڵگرەکان بەشێوەیەکی رەسمی.... جێی باسە ئەم مانگرتنانە پێی ناوەتە پێنجەمین رۆژی خۆی، لە رۆژی چوارەمیدا نزیکەی 200 شار و 31 پارێزگای وڵاتی گرتۆتەوە. لە ئێستادا لةهەریەکە لە شارەکانی ورمێ‌، ئیسفەهان، سەبزەوار، رەفسنجان، شاری کورد، زەرین شار و یەزد بەردەوامی هەیە.‎