سازمانی خه‌بات ی
کوردستانی
ئێران
_1.jpg)
زیندانیە سیاسیەکانی زیندانی ورمێ لەرۆژی سێشەممە 24ی رەزبەر، دەستیان داوەتە مانگرتن لە خواردن لەدژکردەوەدا لەبەرانبەر لێدان و شکەنجەی مەئمورەکانی گاردی تایبەتی
زیندانیە سیاسیەکانی زیندانی ورمێ لەرۆژی سێشەممە 24ی رەزبەر، دەستیان داوەتە مانگرتن لە خواردن لەدژکردەوەدا لەبەرانبەر لێدان و شکەنجەی مەئمورەکانی گاردی تایبەتی رژیم لەو زیندانەدا، و ئەم مانگرتنانە پێی ناوەتە پێنجەمین رۆژی خۆی
زیاتر لە 70 کەس لەو زیندانیانە دەستیان داوەتە ئەو مانگرتنانە.
جێی باسە کە هۆکاری ئەم مانگرتنانە دەگەرێتەوە بۆ ئەوەی کە بەکرێگیراوەکانی گاردی بەناو دژی شۆرش، رۆژی دوشەممە 23ی رەزبەر هێرش دەکەنە سەر زیندانیە سیاسیەکانی بەندی 12ی زیندانی ورمێ و دەیاندەنە بەر شەلاق و شمارەیەکیان لێ دەگوازنەوە بۆ ژووری تاکە کەسی.
ئەم هێرشەش بەهۆی ئەوەوە رویدا کە زیندانیەکان بەهۆی شکەنجەی یەکێک لە زیندانیەکان و گواستنەوەی بۆ ژووری تاکە کەسی نارەزایەتیان دەربری.
جێی باسە کە زۆرێک لەو زیندانیانە بەهۆی لێدانەوە تووشی برینداری و ئازار بونەتەوەو هەروەها لە پێراگەیشتنی دەرمانی بێبەش کراون.
لەچوارەمین رۆژی مانگرتنی زیندانیەکان لە خواردن، ئەو زیندانیانە داوایان لە خانەوادەکانیان کردووە کە رۆژی یەکشەممە 29ی رەزبەر، بۆ وەدیهاتنی ماف و داواکاریەکانی رۆڵەکانیان لەبەرانبەر زیندانی ناوەندی ورمێ گردبونەوە وەرێ بخەن و بەدواداچون بکەن بۆ وەدیهاتنی داواکاریە قانونیەکانیان.
