باوکی شه‌هید تالب مرادی له‌ ناوچه‌ی بڵه‌سه‌نی بانه‌ ماڵاوایی له‌ ژیان کرد

بەپێی هەواڵی گەیشتوو، شەریف مرادی باوکی شەهیدی قارەمان شەهید تالب مرادی، باوکی شه‌‌‌هیدی قاره‌‌‌مان و به‌‌‌باوه‌‌‌ڕی سازمانی خه‌‌‌بات شه‌‌‌هید تالب مرادی، خەڵکی گوندی بڵەسەنی ناوچەی بانە ڕۆژی جومعه‌‌‌ ٩ی سه‌‌‌رماوه‌‌‌زی١٣٩٧ی کۆچی به‌‌‌رامبه‌‌‌ر به‌‌‌ ٣٠  نۆڤامبری ٢٠ ١٨ی زاینی، کۆچی دوایی کردو دڵی گەورەو پڕ لەهیواو خۆزگەی لەلێدان که‌‌‌وت. کاک باباشێخ سکرتێری گشتی سازمانی خه‌‌‌بات له‌‌‌و په‌‌‌یوه‌‌‌ندیه‌‌‌دا په‌‌‌یامێکی سه‌‌‌ره‌‌‌خۆشی بڵاوکرده‌‌‌وه‌‌‌ که‌‌‌ ئه‌‌‌مه‌‌‌ی خواره‌‌‌وه‌‌‌ ده‌‌‌قه‌‌‌که‌‌‌یه‌‌‌تی: 

هەواڵی کۆچی دوایی کاک شەریف موردای مرۆڤێکی دیارو تێکۆشەریی، نیشتمان و گەل خۆشەویست و دل٠Žسۆزی رێبازی سازمانی خەبات ی کوردستانی ئێران، که‌‌‌سایەتی چالاک و قسە شیرین و رەفتار جوانی دێی‌ بڵەسەن و ناوچەی بانە، هەروەها باوکی شەهیدی قارەمان شەهید تالیب بڵەسەنی، بووە هۆی غەم و پەژارەم. بەم بۆنەوە پرسەو سەرەخۆشی بە خانەوادەی بەرێزی کاک شەریف وهۆگرانی رێبازی سازمانی خەبات ی کوردستانی ئێران و خەڵکی تێکۆشەری بڵەسەن و ناوچەی بانە پێشکەش دەکەم. 

خودای گەوە سەبووری هەموومان بدات و کاک شەریفی دڵسۆز، بە بەهەشتی بەرین شاد بکات. 

 سازمانی خەبات ی کوردستانی ئێران 

 سکرتێری گشتی 

 بابەشێخ حوسەینی