بەشداری سازمانی خەبات ی کوردستان لە پرسەی میرتەحسین بەگ

 رۆژی سێ شەممە رێکەوتی 5/2/2019 شاندێکی سازمانی خەبات ی کوردستان بەشدارییان لە رێورەسمی پرسە و سەرەخۆشی میرتەحسین بەگ میری ئێزەدییانی کوردستان و جیهان لە قەزای شێخان کرد. شاندی سازمان بەسەرپەرەستی بەرێز کاک کامیل نورانی فەرد ئەندامی دەفتەری سیاسی و بەرێز کاک شۆرش حاجی بەرپرسی پێوەندیی هەولێر و ئەندامی کومیتەی ناوەندی و بەرێز کاک رەشید سلێمانی کادری دێرینی سازمانی خەبات ی کوردستان لە نزیکەوە هاوخەمی و پرسە و سەرەخۆشی سازمانی خەبات و رێزدار کاک بابەشێخ حسێنی سکرتێری گشتیان بە میرحازم و باقی کورانی میرتەحسین بەگ راگەیاند .
رۆژی دووشەممە 28/ 1/ 2019 میر تەحسین بەگ میری ئێزەدییانی کوردستان و جیهان بەهۆی نەخۆشییەوە لە هانۆڤەری ئاڵمان کۆچی دوایی کرد و تەرمەکەشی لە پەرستگای لالشی شێخان ئەسپەردەی خاک کرا.