پەیامی سازمانی خەبات به‌بۆنه‌ی ٣١ ساڵه‌ی کاره‌ساتی کیمیاباران کردنی هه‌ڵه‌بجه

خه‌‌‌ڵکی خۆڕاگری کوردستان
جه‌‌‌ماوه‌‌‌ری سه‌‌‌ربه‌‌‌رزو خۆڕاگری شاری هه‌‌‌ڵه‌‌‌بجه‌‌‌ی شه‌‌‌هید
لە ٣١مین ساڵیادی کاره‌‌‌ساتی کیمابارانی هه‌‌‌ڵه‌‌‌بجه‌‌‌دا‌. هه‌‌‌ردوو ده‌‌‌سه‌‌‌ڵاتداری دیکتاتۆر و دڕنده‌‌‌ی ‌رژیمی ئاخوندی و رژیمی نگریسی به‌‌‌عسی عێراقی بۆ ماوه‌‌‌ی زیاتر له‌‌‌ ٨ ساڵ شه‌‌‌ڕێکی خوێناویان له‌‌‌ ناوچه‌‌‌که‌‌‌دا به‌‌‌رپاکرد، که‌‌‌ ناوه‌‌‌ندی ئه‌‌‌وشه‌‌‌ڕه ناوچه‌‌‌ سنوریه‌‌‌کانی کوردستانی ئێران و عێراقی گرتبۆوه‌‌‌.
لە ئاکامی ئەو شەڕە ماڵوێرانکەرەدا لە ساڵی ١٩٨٨ رژیمی به‌‌‌عسی عێراقی لە هێرشێکی ئاسمانی دڕندانه‌‌‌ و نامرۆڤانه‌‌‌دا، شاری هه‌‌‌ڵه‌‌‌بجه‌‌‌ی به‌‌‌چه‌‌‌کی کیمیایی بۆمباران کرد و زیاتر له پێنج هه‌‌‌زار رۆڵه‌‌‌ی کوردی له‌‌‌ ژن و منداڵ و به‌‌‌ساڵاچوو کۆمه‌‌‌ڵکوژکرد. هه‌‌‌ر له‌‌‌ ماوه‌‌‌ی ئه‌‌‌م شه‌‌‌ڕه‌‌‌ ماڵوێرانکه‌‌‌ره‌‌‌دا چه‌‌‌ند ناوچه‌‌‌ی کوردستانی ئێران بۆ نموونه‌‌‌ شاری سه‌‌‌رده‌‌‌شت و ئاوایی "زه‌‌‌رده‌‌‌" بوردمانی شیمیایی کران و له‌‌‌وانیش دا به‌‌‌ سه‌‌‌دان که‌‌‌س کوژران و به‌‌‌ هه‌‌‌زاران که‌‌‌س بریندار بوون.
ئه‌‌‌م تاوانه‌‌‌ گه‌‌‌وره‌‌‌یه‌‌‌ لە هەڵەبجە له‌‌‌گه‌‌‌ڵ ئه‌‌‌وه‌‌‌دا ویژدانی مرۆڤایه‌‌‌تیی هه‌‌‌ژاند ، به‌‌‌داخه‌‌‌وه‌‌‌ ده‌‌‌سه‌‌‌ڵاتداره‌‌‌کان له‌‌‌ کاتی کۆمه‌‌‌ڵکوژی هه‌‌‌ڵه‌‌‌بجه‌‌‌دا بێده‌‌‌نگیان هه‌‌‌ڵبژارد و ئه‌‌‌و هێرشه‌‌‌یان وه‌‌‌ک کۆمه‌‌‌ڵکوژی چاولێ نه‌‌‌کرد و لێپرسینه‌‌‌وه‌‌‌یان له‌‌‌ ده‌‌‌سه‌‌‌ڵاتداران و تاوانبارانی ئه‌‌‌و کاره‌‌‌ساته‌‌‌ نه‌‌‌کرد، به‌‌‌‌ڵام سه‌‌‌ره‌‌‌نجام له‌‌‌ ئه‌‌‌نجامی خه‌‌‌بات و خۆڕاگری خه‌‌‌ڵکی کوردستان وئاڵوگۆڕی سیاسه‌‌‌تی ناوچه‌‌‌ و جیهان، ئه‌‌‌م تاوانه‌‌‌ وه‌‌‌ک کۆمه‌‌‌ڵکوژی ناسێنرا و سه‌‌‌دام حسێن و داروده‌‌‌سته‌‌‌که‌‌‌ی له‌‌‌ سێداره‌‌‌دران.
‌یادی کاره‌‌‌ساتی هه‌‌‌ڵه‌‌‌بجه‌‌‌ له‌‌‌بیر و زه‌‌‌ینماندا وه‌‌‌ک تراژیدیایه‌‌‌کی گه‌‌‌وره‌‌‌ ده‌‌‌مێنێته‌‌‌وه‌‌‌و بێگومان خه‌‌‌ڵکی بریندار و خۆڕاگری هه‌‌‌ڵه‌‌‌بجه وسه‌‌‌رده‌‌‌شت‌ خۆڕاگرانه‌‌‌ هه‌‌‌نگاو به‌‌‌ره‌‌‌و ساڕێژی برینه‌‌‌کانیان ده‌‌‌نێن و خه‌‌‌مه‌‌‌کانیان له‌‌‌ چاوه‌‌‌ڕوانی ڕه‌‌‌وینه‌‌‌وه‌‌‌دا نزیکتر ده‌‌‌بێته‌‌‌وه‌‌‌. روخانی رژیمی به‌‌‌عس و دادگایی کردن و به‌‌‌سزاگه‌‌‌یاندنی تاوانبارانی ئه‌‌‌م جینایه‌‌‌ته وانه‌‌‌یه‌‌‌که‌‌‌ بۆ ده‌‌‌سه‌‌‌ڵاتدارانی رژیمی نه‌‌‌گریس و خوێنڕێژی ئاخوندی ئێران و ئه‌‌‌وانیش به‌‌‌هه‌‌‌مان چه‌‌‌شن به‌‌‌ سزای تاوانبارانه‌‌‌ی خۆیان ده‌‌‌گه‌‌‌ن.
سازمانی خه‌‌‌باتی کوردستانی ئێران له‌‌‌ ٣١ ساڵه‌‌‌ی تاوانی له‌‌‌بیرنه‌‌‌کراوی هه‌‌‌ڵه‌‌‌بجه‌‌‌دا سڵاو ده‌‌‌نێرێ بۆ گیانی پاکی شه‌‌‌هیدانی هه‌‌‌ڵه‌‌‌بجه‌‌‌ و نه‌‌‌فره‌‌‌ت ده‌‌‌نێرێ بۆ ئه‌‌‌نجامده‌‌‌رانی ئه‌‌‌و کردەوه‌‌‌ دژه‌‌‌ ئینسانی و نامرۆڤانه.
ده‌‌‌فته‌‌‌ری سیاسی سازمانی خه‌‌‌باتی کوردستانی ئێران
١٦ی مارس ٢٠ ١٩