بەشداری ئەندامانی سازمان لە گردبوونەوەیەکی جەماوەری لە شاری برلین

خەباتمێدیا: لە شاری برلینی پێتخەتی ئاڵمان گردبوونەوەیەکی جەماوەری لەلایەن کوردانی نیشتەجێ لە ئاڵمان دژ بە هێرشەکانی تورکیە بۆ سەر کوردستانی رۆژئاوا بەرێوەچوو. رۆژی شەممە 12ی ئۆکتۆبری 2019 بەرانبەر بە 20ی رەزبەری 1398ی هەتاوی، کوردانی نیشتەجێی وەلاتی ئاڵمان گردبوونەوەیەکی جەماوەریان دژ بە هێرشی حکومەتی تورکیە بۆ سەر کوردستانی رۆژئاوا لە شاری بەرلین بەرێوەبرد. لەو گردبوونەیەدا کوردانی ئەلمان هێرشەکانی تورکیەیان بۆ سەر خەڵکی سڤیلی کوردستانی سوریە مەحکوم و بیرورای گشتی ئەلمانیان لە جینایەتەکانی رژیمی ترکیا ئاگادار کردەوە و هاوپشتی خۆیان بۆ بەرخودانی رۆژئاوای کوردستان دووپات کردەوە. شایانی گوتنە ژمارەیەک لە ئەندامانی سازمانی خەبات لە وەلاتی ئاڵمان بەشێوەیەکی چالاک لەو رێپێوان و گردبوونەوەدا بەشداریان کرد.