سازمانی خه‌بات ی
کوردستانی
ئێران
رۆژی یەک شەمە 12 ی بانەمەری 1395 بەبۆنەی دامەزراندنی رێکخراوی لاوانی خەبات مەراسیمێک لە بارەگایی سەرەکی رێکخراو لە ناحیەیی رزگاری بەرێوەچوو .
سەرەتای کردنەوەی مەراسیمەکە بە ساتێک وێستان بۆ رۆحی پاکی شەهیدان دەستی پێکرد و لە پاشاندا پەیامی دەستەی بەرێوەبەریی لەلایەن بەرێز کاک ئارام سلێمانی بەرپرسی رێکخراو خوێندرایەوە. لە پاش پەیامی دەستەی بەرێوەبەری پەیامی بەرێز کاک بابەشێخ حوسێنی بەرێوبەری گشتی سازمانی خەبات...
رۆژی یەک شەمە 12 ی بانەمەری 1395 بەبۆنەی دامەزراندنی رێکخراوی لاوانی خەبات مەراسیمێک لە بارەگایی سەرەکی رێکخراو لە ناحیەیی رزگاری بەرێوەچوو .
سەرەتای کردنەوەی مەراسیمەکە بە ساتێک وێستان بۆ رۆحی پاکی شەهیدان دەستی پێکرد و لە پاشاندا پەیامی دەستەی بەرێوەبەریی لەلایەن بەرێز کاک ئارام سلێمانی بەرپرسی رێکخراو خوێندرایەوە. لە پاش پەیامی دەستەی بەرێوەبەری پەیامی بەرێز کاک بابەشێخ حوسێنی بەرێوبەری گشتی سازمانی خەبات بەوبۆنەیەوە لەلایەن بەرێز کاک کامیل نورانی فەرد ئەندامی کۆمیتەیی ناوەندی سازمانی خەبات خوێندرایەوە. لە پەیامی بەرێوبەری گشتی تیشک خرایە سەر رۆڵ و پێگەی لاوان لە ریزەکانی سازمانی خەبات وکۆمەڵگا و هەروەها رۆڵی ئەو توێژە لە مانەوە و مەوجودیەتی سازمانی خەبات و زیندوو راگرتنی شۆرش و خەباتی گەلەکەمان لە پێناو بەدەست هێنانی مافەکانیان . لەپاش پەیامی بەرێوبەری گشتی گۆرانیەک لەلایەن کۆران مەدەنی پێشمەرگەی لاوی ریزکانی رێکخراوی لاوان پێشکەش بە ئامادەبوان کرا . دواتر پەیامی رێکخراوی ئافرەتانی خەباتی کوردستانی ئێران لەلایەن بەرێز خاتوو زەینەب حوسێنی بەرپرسی رێکخراوى ئافرەتانى خەبات خوێندرایەوە. لە پەیامی رێکخراوی ئافرەتان وێرای پیرۆزبایی ، کاروچالاکیەکانی ماوەی رابردووی رێکخراوی لاوانیان بەرز نرخاند و هیوای سەرکەوتن و بەردوامیان بۆ خواستن . دواین برگەکانی مەراسیمەکە بریتیبوو لە خوێندنەوەی چەند پارچە شعر و وتنی گۆرانی و لە پاشاندا مەراسیمەکە بە شایی و هەڵپەرکێ مەراسیمەکە کۆتایی پێهات. 
