له‌ خۆپیشاندانه‌کانی مه‌ریوان قوربانی که‌وته‌وه‌‌

خەباتمێدیا: به‌‌‌پێی هه‌‌‌واڵی گه‌‌‌یشتوو به‌‌‌سه‌‌‌رچاوه‌‌‌ خه‌‌‌به‌‌‌ریه‌‌‌کانی خه‌‌‌باتمیدیا ئه‌‌‌مڕۆ ئەمڕۆ شەممە ڕێکەوتی ٢٥ی خەزەڵوەر، به‌‌‌رامبه‌‌‌ر به‌‌‌ ١٦ی نۆڤامبری ٢٠ ١٩ی زاینی له‌‌‌ ئه‌‌‌نجامی ته‌‌‌قه‌‌‌ی ڕاسته‌‌‌وخۆی به‌‌‌کرێگراوان و هێزه‌‌‌ نیزامیه‌‌‌کانی سه‌‌‌ر به‌‌‌ ڕژیم له‌‌‌ شاری مه‌‌‌ریوان چه‌‌‌ندین هاووڵاتی شه‌‌‌هید و برینداربوون.

به‌‌‌پێی هه‌‌‌واڵی گه‌‌‌یشتوو له‌‌‌ ناو خۆپیشانده‌‌‌رانی شاری مه‌‌‌ریوان دا دوو هاووڵاتی شه‌‌‌هید بوون وچه‌‌‌ندین هاووڵاتی دیکه‌‌‌ش به‌‌‌ سه‌‌‌ختی برینداربوون.  خۆپیشانده‌‌‌ران ده‌‌‌ستیان به‌‌‌سه‌‌‌رهێرشی جه‌‌‌ماوه‌‌‌ری بۆسه‌‌‌ر زۆرێک له باره‌‌‌گاو ده‌‌‌زگا حکومه‌‌‌تیه‌‌‌کاندا گرتوه‌‌‌ له‌‌‌وانه هه‌‌‌رسێ بانکی ئه‌‌‌نسار و میللی و سادرات هێرشیان کراوه‌‌‌ته‌‌‌ سه‌‌‌ر. ‌‌

جێگه‌‌‌ی وه‌‌‌بیرهێنانه‌‌‌وه‌‌‌یه‌‌‌ که‌‌‌ له‌‌‌ دوێنێ وه‌‌‌ پاش ڕاگه‌‌‌یاندنی به‌‌‌رزکردنه‌‌‌وه‌‌‌ی نرخی به‌‌‌نزین بۆ سێ هێنده‌‌‌ی نرخی ئێستا له‌‌‌لایه‌‌‌ن  کۆمپانیای نیشتیمانی ئێرانی بۆ نه‌‌‌وت که‌‌‌ یه‌‌‌کێکه‌‌‌ له‌‌‌ ده‌‌‌زگاکانی سه‌‌‌ر به‌‌‌ڕژیم، خه‌‌‌ڵکی تێکۆشه‌‌‌ر و وه‌‌‌زاڵه‌‌‌هاتووی شاره‌‌‌کانی ئێران و کوردستان ده‌‌‌ستیان دایه‌‌‌ ناڕه‌‌‌زای ده‌‌‌ربرێن و خۆپیشاندان.

به‌‌‌پێی سه‌‌‌رچاوه‌‌‌ خه‌‌‌به‌‌‌ریه‌‌‌کان له‌‌‌ زۆرێک له‌‌‌ شاره‌‌‌کان هێرشی توند کراوه‌‌‌ته‌‌‌ سه‌‌‌ر خۆپیشاندان و له‌‌‌و پێناوه‌‌‌شدا شه‌‌‌هید و بریندارێکی زۆر هه‌‌‌نه‌‌‌.