نارەزایەتی و خۆپیشاندانەکانی ئێران و کوردستان پێی نایە رۆژی هەشتەم

نارەزایەتی و خۆپیشاندانە سەرانسەرییەکانی ئێران و کوردستان، ئەمرۆ هەینی 1ی سەرماوەز، پێی نایە رۆژی هەشتەم.
ئامارەکانی قوربانیانی خۆپیشاندەران بەم شێوەیەیە، 146 شار راپەریون، 251 کەس شەهید بوون، زیاتر لە 37000 کەس بریندار بوون، و زیاتر لە 7000 کەسیش گیراون.
یەکێک لە ئاخوندانی حەوزەی نەزانی و جینایەت لە کازرۆن خۆپیشاندەران بە ئاژاوەگێر ناو دەبات و دەڵێت، ئاژاوەگێران هەموو جۆرە پێداویستیەکیان هەبوو، وەک چەک، کۆکتێلی مولوتوف و تەرەقەی دەست ساز، و 15بانک لە کەمتر لە 4 سەعات سوتێنراوە.
ئاژاوەگێران تەواو ئامادە هاتوونە مەیدان و بەپێی بەرنامە و ئامانجەکانیان کاردەکەن.