سازمانی خه‌بات ی
کوردستانی
ئێران
زارا محەممەدی، چالاکی مەدەنی و مامۆستای زمانی کورد لە شاری سنە دوای ٦ مانگ بەندکران بە دانانی بارمتە و بە شێوەی کاتی ئازاد بوو.
زارا محەممەدی، چالاکی مەدەنی و مامۆستای زمانی کورد لە شاری سنە دوای ٦ مانگ بەندکران بە دانانی بارمتە و بە شێوەی کاتی ئازاد بوو.
ئەمرۆ دووشەممە ١١ی سەرماوەزی ٢٧١٩ ، زارا محەممەدی، چالاکی مەدەنی و مامۆستای زمانی کوردی کە هاوکات بەرپرسی ڕێکخراوی فەرهەنگی کۆمەڵایەتی نۆژین لە پارێزگای سنەیە، بە دانانی بارمتەی ٧٠ ٠ ملیۆن تمەنی و بە شێوەی کاتی ئازاد کرا.
هەواڵدەری هەنگاو: زارا محەممەدی، ڕۆژی پێنج شەممە (٢ی جۆزەردانی ٢٧١٩، دوای ئەوەی هێزەکانی ئیدارەی ئیتلاعات هەڵیان کوتابووە سەر ماڵەکەی و بەتاوانی بوونی پێوەندی لەگەڵ حزبە کوردستانیە دژبەرەکانی رژیم گیرابوو. زارا تەمەنی ٢٨ ساڵ و لەدایکبوونی گوندی سەراوڵەی شاری دێولان سەر بە پارێزگای سنەیە و بڕوانامەی کارناسی باڵای ژئۆپۆلۆتیکی لە زانکۆی بیرجەند وەرگرتووە.
ئەو چالاکە مەدەنییە ماوەی ١٠ ساڵە کە لە گوندەکانی دەورووبەری سنە و ناو شاری سنە وانەی کوردی دەڵێتەوە و ٦ ساڵ پێش یەکێک لە دامەزرێنەرانی ڕێکخراوی فەرهەنگی کۆمەڵایەتی نۆژین بووە و دواتر بە کۆی دەنگی ئەندامانی بەڕێوەبەریی ئەو ڕێکخراوە وەکوو سەرۆکی ڕێکخراو هەڵبژێردراوە.
ئەنجومەنی نۆژین یەکێک لە ئەنجومەنە فەرهەنگی و کۆمەڵایەتیەکانی پارێزگای سنەیە کە لە چەند شاری ئەو پارێزگایە وەکوو سنە، کامیاران، دێولان، سەقز و بانە لقی هەیە و چالاکی دەکات
