بەردەوامیی بەندکران و ناڕوونیی چارەنووسی ئومید مەزڵووم لە زیندانی مەهاباد

سەرلەبەیانی ڕۆژی سێشەممە ۳گلاوێژی ۱٤٠۲ هەتاوی هێزەکانی ئیدارەی تێرۆریستی ئیتلاعاتی مەهاباد هەڵیانکوتایە سەر ماڵی ئومێد مەزڵوومی تەمەن ٣٩ ساڵ کە دەکەوێتە گوندی ئەتمیش و ناوبراویان بەبێ هیچ بەڵگەنامەیەکی قەزایی گرتوە وە گواستییەوە بۆ شوێنێکی نادیار.سەرەڕای تێپەڕبوونی ٢٤ ڕۆژ، بەسەر گیرانی ئومید مەزڵووم، چارەنووسی ناوبراو هەروا ناڕوونە و لە زیندانی مەهابادە.
شایانی باسە ئۆمید مەزڵووم برای موحسن مەزڵووم، زیندانیی سیاسیی کوردە ،کە ساڵی ڕابردوو لەگەڵ سێ هاووڵاتیی دیکە بە ناوەکانی محەمەد فەرامەرزی، پژمان فەتحی و وەفا ئازەربەر لە دەوروبەری ورمێ گیرابوون.