په‌یامی سازمانی خه‌بات به‌بۆنەی ٢٢ی ڕێبەندان،یادی سەرکەوتنی شۆڕشی گەلانی ئێران

خه‌‌‌ڵکی خه‌‌‌باتگێڕ و تێکۆشه‌‌‌ری ئێران و کوردستان!
که‌‌‌سوکاری سه‌‌‌ربه‌‌‌رزی شه‌‌‌هیدان و زیندانیانی سیاسی!
٢٢ی ڕێبه‌‌‌ندانی ١٣٥٧ ساڵڕۆژی سه‌‌‌رکه‌‌‌وتنی شۆڕشی گه‌‌‌لانی ڕاپه‌‌‌ڕیوی ئێرانه‌‌‌ به‌‌‌سه‌‌‌ر رژیم و نیزامی پاشا‌یه‌‌‌تی له‌‌‌ ئێران دا. خه‌‌‌ڵکی ڕاپه‌‌‌ڕیوی ئێران له‌‌‌و ڕۆژه‌‌‌دا تاج و ته‌‌‌ختی شای دیکتاتۆر و له‌‌‌ خۆباییان، به‌‌‌ سه‌‌‌رجه‌‌‌م دام و ده‌‌‌زگا و سوپاو ده‌‌‌زگای ئیتلاعاتی (ساواک)ی ترسناک و داپلۆسێنه‌‌‌ر، تێکڕووخاند و تۆماری ٥٠  ساڵه‌‌‌ی حکوومه‌‌‌تی په‌‌‌هله‌‌‌وییان پێچایه‌‌‌وه‌‌‌.
ئه‌‌‌و شۆڕشه‌‌‌ به‌‌‌رهه‌‌‌م و ئاکامی په‌‌‌ره‌‌‌سه‌‌‌ندنی ناڕه‌‌‌زایه‌‌‌تی، ڕاپه‌‌‌ڕین و جمووجۆڵی ئیعترازیی گه‌‌‌لانی ئێران بوو، که‌‌‌ چه‌‌‌ند ده‌‌‌یه‌‌‌ له‌‌‌ژێر حاکمییه‌‌‌تی زوڵم و زۆری ڕێژیمی پاشایه‌‌‌تی دا وه‌‌‌زاڵه‌‌‌هاتووبوون و بڕیاریان دا‌بوو خۆیان له‌‌‌ژێرده‌‌‌ستی و‌ دیکتاتوری ڕزگار بکه‌‌‌ن و ئازادی، سه‌‌‌ربه‌‌‌ستی و ژیانێکی شیاو له‌‌‌ وڵاته‌‌‌که‌‌‌یاندا دابین بکه‌‌‌ن. ویست و داخوازی و خه‌‌‌باتی گه‌‌‌لانی ئێران، به‌‌‌درێژایی مێژوو بۆ ئه‌‌‌و ئامانجه‌‌‌ بووه،‌ که‌‌‌ ئازادی و مافی یه‌‌‌کسان و دیموکراسی و دادپەروەری بچه‌‌‌سپێ و ده‌‌‌سه‌‌‌ڵاتی ڕه‌‌‌ش و سه‌‌‌ره‌‌‌ڕۆیی زاڵمان و دیکتاتۆران و خوێنڕێژان کۆتایی پێ بێت و خه‌‌‌ڵک بگه‌‌‌نه‌‌‌ که‌‌‌ناری ئارامی، به‌‌‌ڵام به‌‌‌داخه‌‌‌وه‌‌‌ ده‌‌‌سه‌‌‌لاتدارانی ئێستایی ڕژیم توانیان به‌‌‌ قۆسته‌‌‌وه‌‌‌ی ئه‌‌‌و ده‌‌‌رفه‌‌‌ته و به‌‌‌که‌‌‌ڵکوه‌‌‌رگرتن له‌‌‌‌ هه‌‌‌ستی مه‌‌‌زهه‌‌‌بی خه‌‌‌ڵک، سود له‌‌‌و بۆشاییه‌‌‌ سیاسیه‌‌‌ وه‌‌‌ربگرن و شۆڕشی گه‌‌‌لانی ئێران بکه‌‌‌ن به‌‌‌ پرده‌‌‌بازێک بۆ گه‌‌‌یشتن به‌‌‌ ده‌‌‌سه‌‌‌ڵات.
به‌‌‌م شێوه‌‌‌ش ئه‌‌‌و ئامانج و ده‌‌‌سکه‌‌‌وتانه‌‌‌ی که‌‌‌ گه‌‌‌لانی ئێران له‌‌‌ ئه‌‌‌نجامی ئه‌‌‌و شۆڕشه‌‌‌دا به‌‌‌ده‌‌‌ستیان هێنا و به‌‌‌رهه‌‌‌می خه‌‌‌باتی شۆرشگێڕان و ئازادیخوان و قوربانی دانی خوێنی نه‌‌‌وه‌‌‌کان بۆ جارێکی تر که‌‌‌وته‌‌‌ ده‌‌‌ستی که‌‌‌سانێک که‌‌‌ نه‌‌‌ک باوه‌‌‌ڕیان به‌‌‌ دیموکراسی و ئازادی نه‌‌‌بوو، به‌‌‌ڵکو ئه‌‌‌مانیش نموونه‌‌‌یه‌‌‌کی قێزێونی تربوون له‌‌‌ ده‌‌‌سه‌‌‌ڵاتداری زاڵمانه‌‌‌ و بڵاوکردنه‌‌‌وه‌‌‌ی فکری شۆفێنیزمی و دیکتاتۆری. ئێران بۆ جارێکی دیکه‌‌‌‌ش، که‌‌‌وته‌‌‌ ژێر ڕکێفی ئه‌‌‌و هه‌‌‌لپه‌‌‌رستانه و به‌‌‌م شێوه‌‌‌ش خه‌‌‌ڵکی سته‌‌‌مدیده‌‌‌ و ‌ شۆرشگێڕان و ئازادیخوازان دوباره‌‌‌ که‌‌‌وتنه‌‌‌وه‌‌‌ به‌‌‌ر شاڵاوی هێرشی دڕندانه‌‌‌‌ی ده‌‌‌سه‌‌‌ڵاتدارانی هه‌‌‌لپه‌‌‌رست و دیکتاتۆر.
به‌‌‌هاتنه‌‌‌ سه‌‌‌رکاری ڕێژیمی ئاخوندی، ئازادی به‌‌‌ته‌‌‌واوی دیل و به‌‌‌ند کرا. زیاتر له‌‌‌ ٤١ ساڵه‌‌‌ ڕێژیمی ئاخوندی به‌‌‌دڕندانه‌‌‌ترین شێوه‌‌‌ خه‌‌‌ڵکی ئێران و کوردستان ده‌‌‌چه‌‌‌وسێنێته‌‌‌وه‌‌‌ و بۆته‌‌‌ هه‌‌‌وێنی نائارامی و ئاژاوه‌‌‌ و تیرۆر له‌‌‌ ناوچه‌‌‌که‌‌‌دا. له‌‌‌ ئه‌‌‌نجامی سیاسه‌‌‌تی هه‌‌‌ڵه‌‌‌ و خۆپه‌‌‌رستانه‌‌‌ی ڕژیم، هه‌‌‌زاران ڕۆڵه‌‌‌ی ئه‌‌‌م گه‌‌‌له‌‌‌ خوێنیان ڕژا و برسی و هه‌‌‌ژار کران و سه‌‌‌روه‌‌‌ت و سامانه‌‌‌کانیان به‌‌‌تاڵان چوون. چه‌‌‌وسانه‌‌‌وه‌‌‌ی زیاتری که‌‌‌مایه‌‌‌تی و نه‌‌‌ته‌‌‌وه‌‌‌کانی تری غه‌‌‌یره‌‌‌ فارس‌ له‌‌‌ ئێران هه‌‌‌م له‌‌‌ڕووی میلله‌‌‌ت و هه‌‌‌میش له‌‌‌ڕوی عه‌‌‌قیده‌‌‌و مه‌‌‌زهه‌‌‌ب و زمان و کلتوریانه‌‌‌وه‌‌‌،‌ به‌‌‌شێکی تربووه‌‌‌ له‌‌‌ سیاسه‌‌‌تی چه‌‌‌په‌‌‌ڵی ڕژیم و به‌‌‌م شێوه‌‌‌ش خه‌‌‌ڵکی کوردستانی ئێران له‌‌‌ ژێر فشار و هێرشی به‌‌‌رده‌‌‌وامی ڕژیم دان و ماف و ئازادیه‌‌‌کانیان به‌‌‌ ته‌‌‌واوی مانا پێشێل ده‌‌‌کرێ و سه‌‌‌روه‌‌‌ت و ماڵیان داگیر ده‌‌‌کرێ.
سیاسه‌‌‌تی هه‌‌‌ڵه‌‌‌ی ڕژیم سات له‌‌‌ دوای سات نه‌‌‌هامه‌‌‌تی زیاتری بۆ خه‌‌‌لکی ئێران و کوردستان به‌‌‌دواوه‌‌‌یه‌‌‌ وته‌‌‌نها خه‌‌‌بات و قوربانی دان له‌‌‌ پێناو ڕوخانی ئه‌‌‌م ڕژیمه‌‌‌ ده‌‌‌توانێ برینی چه‌‌‌ندان ساڵه‌‌‌ی ویست و داخوازیه‌‌‌کانی خه‌‌‌ڵک ساڕێژ بکاو، خه‌‌‌بات و ماف و ئازادیه‌‌‌کانی ژنان و لاوان وه‌‌‌دی بێنێ. بێگومان ناڕه‌‌‌زایی و خۆپیشاندانه‌‌‌کان دژی ده‌‌‌سه‌‌‌ڵاتی ڕژیم و به‌‌‌تایبه‌‌‌تیش ڕاپه‌‌‌ڕینی مانگی خه‌‌‌زه‌‌‌لوه‌‌‌ر و به‌‌‌فرانباری ئه‌‌‌مساڵ ده‌‌‌رخه‌‌‌ری ئه‌‌‌و راستیه‌‌‌ن که‌‌‌ ڕووخانی ئه‌‌‌م ڕژیمه‌‌‌ له‌‌‌ئان و سات دایه‌‌‌و ڕژیم هیچ به‌‌‌ها و پێگه‌‌‌یه‌‌‌کی جه‌‌‌ماوه‌‌‌ری نه‌‌‌ماوه‌‌‌.
ئامانج و دروشمی سازمانی خه‌‌‌باتی کوردستانی ئێران ڕوخانی ڕژیمی ئاخوندی و دامه‌‌‌زرانی ده‌‌‌وڵه‌‌‌تی دیموکراتیکه‌‌‌ و پشتیوانیه‌‌‌ له‌‌‌ ماف و ئازادیه‌‌‌کانی کۆمه‌‌‌ڵانی خه‌‌‌ڵکی کوردستان. ئه‌‌‌رکی هه‌‌‌موو تێکۆشه‌‌‌ر و خه‌‌‌باتکارێکی ڕێگه‌‌‌ی ئازادیه‌‌‌ که‌‌‌ پشتیوانی له‌‌‌ ڕاپه‌‌‌رینی خه‌‌‌ڵک بکا و هه‌‌‌وڵبدا بۆ به‌‌‌دیهێنانی ڕاسته‌‌‌قینه‌‌‌ی ئامانجی شۆڕشی ٢٢ی ڕێبه‌‌‌ندان.
هێزو لایه‌‌‌نه‌‌‌ سیاسیه‌‌‌ شۆڕشگێڕه‌‌‌کان ئه‌‌‌مجاره‌‌‌ نابێ بێڵن ووڵات بکه‌‌‌وێته‌‌‌ ده‌‌‌ست که‌‌‌سانی دیکتاتۆر و خوێنڕێژ. تاکه‌‌‌ ڕێگاش بۆ پێش گرتن له‌‌‌وه‌‌‌،‌ پشتیوانیه‌‌‌ له‌‌‌ خه‌‌‌بات و داواکاری خه‌‌‌ڵک و تێکۆشان و یه‌‌‌کڕیزی شۆڕشگێڕانه‌‌‌ به‌‌‌ ئامانجی ڕوخانی یه‌‌‌کجاره‌‌‌کی ڕژیمی ئاخوندی و هه‌‌‌وڵدان‌ بۆ دامه‌‌‌زرانی ده‌‌‌وڵه‌‌‌تێکی سیکولار و دیموکرات‌ بۆ داهاتوی ئێران و کوردستان.
سەرکەوێ خەباتی ڕه‌‌‌وای گه‌‌‌لانی ئێران.
سه‌‌‌رکه‌‌‌وێ خه‌‌‌باتی شۆڕشی کورد لە پێناوی وەدیهێنانی ئامانجە سیاسی و نەتەوەییەکانی.
بڕوخێ ڕژیمی ئاخوندی له‌‌‌ئێران.
سازمانی خه‌‌‌باتی کوردستانی ئێران/کومیته‌‌‌ی ناوه‌‌‌ندی
٢٢ی رێبەندانی ١٣٩٨ی هەتاوی به‌‌‌رامبه‌‌‌ر به‌‌‌ ١١ی فێورییەی ٢٠ ٢٠ ی زایینی