سازمانی خه‌بات ی
کوردستانی
ئێران
حوکمی سێدارەی سێ هاووڵاتیی کورد کە بە تۆمەتی کوشتنی ئەنقەست گیرابوون، لە بەندیخانەی ناوەندیی کرماشان جێبەجێ کراوە.
حوکمی سێدارەی سێ هاووڵاتیی کورد کە بە تۆمەتی کوشتنی ئەنقەست گیرابوون، لە بەندیخانەی ناوەندیی کرماشان جێبەجێ کراوە.
هەواڵدەری هەنگاو: بەرەبەیانی ڕۆژی چوارشەممە ١٦ی ڕێبەندانی ٢٧١٩ ، حوکمی سێدارەی سێ هاووڵاتیی خەڵکی کرماشان لە زیندانی دێزڵئاوای ئەو شارە جێبەجێ کراوە.
یەکێک لەو زیندانیانە بەناوی ”برزوو محەممەدی“ تەمەن ٢٨ ساڵ، کە ٤ ساڵ پێش بە تۆمەتی “قەتڵی ئەنقەست“ گیراو و حوکمی سێدارەی بە سەردا سەپابوو. ناوبراو لەو کاتەوە لە بەندیخانەی دێزڵئاوای کرماشان ڕاگیرابوو.
لەلایەکی دیکەوە، ڕێکخراوی مافی مرۆڤی ئێران ئەمڕۆ لە ڕاپۆرتێکدا ناسنامەی یەکێکی دیکە لەو کەسانەی بە ناوی “شەهاب نادری” تەمەن ٢٢ ساڵ ڕاگەیاندووە کە ئەویش بە تۆمەتی کوشتنی ئەنقەست لەسێدارە دراوە.
هەتا ئێستا ناسنامەی سێهەمین کەس ئاشکرا نەبووە.
