سازمانی خه‌بات ی
کوردستانی
ئێران
بە بۆنەی سەرکەوتنی مێژوویی و زاڵ بوونی ئیرادەی جەماوەری ئێران و کوردستان بە سەر دەسەڵاتی مافیایی و سەرکوتگەری ئاخوندی و هەڵوەشانەوەی شانۆگەری بە ناو هەڵبژاردنی....
هاونیشتمانیانی تێکۆشەر!
لاوانی ئازادیخواز و شۆڕشگێر!
بە بۆنەی سەرکەوتنی مێژوویی و زاڵ بوونی ئیرادەی جەماوەری ئێران و کوردستان بە سەر دەسەڵاتی مافیایی و سەرکوتگەری ئاخوندی و هەڵوەشانەوەی شانۆگەری بە ناو هەڵبژاردنی مەجلیسی یانزدەهەم و جارێکی دیکە سەلماندنی ئەو ڕاستیەی کە ئاخوندان هیچ پێگەێکیان لە ناو جەماوەردا نیەو تەنیا لە رێگەی ستەم و سەرکوت درێژە بە دەسەڵاتی ناڕەوایان دەدەن، هەروەها بە بۆنەی گەیاندنی پەیامی ڕەوای شۆڕشی مافخوازانەی هاونیشتمانیانی کوردستان بەرانبەر بە دەسەڵاتدارانی ملهوڕ،وە چڵکاو خۆران و بەکرێگیراوانیان لە کوردستاندا، سپاسی گەرم و بە تینتان پێشکەش دەکەم و هەروەها پیرۆزبایی تان پێ ڕادەگەێنم و دلنیام ئەو سەرکەوتنە دەبێتە مایەی سەرکەوتنی گەورەتر لە داهاتوێکی نزیکدا.
بایکۆتی شانۆگەری رۆژی هەینی 2 ی ڕەشەممەی ساڵی 1398ی کۆچی خۆری، لە مێژووی پڕ لە سەروەری نەتەوەو نیشتماندا دەمێنێتەوە. ئەو بایکوتە تۆمار کردنی سەروەری و سەرکەوتنێکی ئەوەندە گەورەو بەرچاوە کە ئاخوندە دەسەڵاتدارەکانیش ناچار بوون، بڕیاری جەماوەر بۆ بایکوت کردنی شانۆی هەڵبژاردن بسەلمێنن. تەنانەت ژمارە سازی و هەوڵی ناوەندە تەبلیغیەکانی دەسەڵات بۆ کەم کردنەوەی ڕادەی کەساسی ئەو شانۆگەریە نەیتوانی لە کاریگەریی بڕیاڕی جەماوەری ئێران و کوردستان بۆ بایکوتی هەمەلایەنەی کەم بکاتەوە ئەو ڕاستیە حاشا هەڵنەگرەی کە جەماوەر بە تێکڕا نەخێریان بە باندەکانی دەسەڵاتی مافیایی ڕاگەیاندەوە. سپاسی دووبارە بۆ هیممەت و بڕیاری نەتەوەیی و کەم وێنەتان و بە جێ گەیاندنی ویست وبڕیاری تێکڕایی و هەروەها وەڵام دانەوە بە داوامان بۆ بایکوتی شانۆی هەڵبژاردن و بایکوتی دەسەڵاتی مافیایی ئاخوندەکان لە ئێران.
سازمانی خەبات ی کوردستانی ئێران و تێکڕای هاوباوەڕانم شانازی بە خۆیانەوە دەکەن کە خەباتکارو تێکۆشەری کاروانی ئازادیخوازی نەتەوەی خاوەن هیممەت و نەبەزی کوردن، نەتەوەێک کە پێشڕەوی شۆڕشی ئازادیخوازیە بەرانبەر بە دەسەڵاتی مافیایی و مەزهەبی ئاخوندەکان لە ئێراندا.
لە گەڵ سپاس و ڕێزی دووبارەم بۆ خەڵکی ستەملێکراوی ئێران و گەلی خۆڕاگری کورد.
سازمانی خەبات ی کوردستانی ئێران
سکرتێری گشتی بابەشێخ حوسەینی
شەممە 3ی ڕەشەممەی 1398 کۆچی خۆری
