یەکەم قوربانی کۆڕۆنا لە ناوچەی سەردەشت گیانی دا

مەنسور ناسری تەمەن 39ساڵ خەڵکی گوندی شیواشان، دانیشتووی ڕەبەت،یەکەم قوربانی کۆڕۆنا لە ناوچەی سەردەشت.
ناوبراو ڕێکەوتی 17ی ڕەشەممە دەچێتە نەخۆشخانەو پێداگری لەسەر ئەوە دەکات کە تووشی کۆڕۆنا بووە، بەڵام بەرپرسانی نەخۆشخانەکە ناوبراو دەنێرنەوە بۆ ماڵەوەو پێی دەڵێن کە نەخۆش نیت، خوسرەوی برای و کۆمەڵێک لە هاوڕێکانی دەچنە سەردانی، بەڵام ئەوانیش تووشی نەخۆشیەکە دەبن و خۆیان لەماڵی خۆیان قەرەنتینە دەکەن.
لەدوای تێپەڕ بوونی 7ڕۆژ کە بارودۆخی مەنسور خراپتر دەبێت، هەردوو براکەی بەناوەکانی مەسعود و یوسف، دەیبەنە نەخۆشخانە، بەڵام لەدوای 24کاتژمێر گیان دەسپێرێ‌. بەرپرسانی نەخۆشخانەی سەردەشت زۆر بەئاسانی گیانی چەند کەسی دیکەشیان خستووەتە مەترسیەوە.