راگەیەندراوی کۆمیسیۆنی سیاسی و نیزامی سازمانی خه‌بات لە پێوەند به‌ شه‌هید بوونی کاک ڕه‌حمان پوورکه‌ریم، کادری چالاکی سازمانی خه‌باتی کوردستانی ئێران.

به‌‌‌داخ و که‌‌‌سه‌‌‌رێکی زۆره‌‌‌وه‌‌‌ ڕاده‌‌‌گه‌‌‌یه‌‌‌نین، کاک‌ ره‌‌‌حمان پوور که‌‌‌ریمی کادرو پێشمه‌‌‌رگه‌‌‌ی دڵسۆزو  ڕۆڵه‌‌‌یه‌‌‌کی تری  قاره‌‌‌مانی کورد و ئه‌‌‌ندامێکی چالاکی سازمانی خه‌‌‌بات،  له‌‌‌ کاتی چالاکی ته‌‌‌شکیلاتی له‌‌‌ ناوچه‌‌‌ى بۆکان به‌‌‌ده‌‌‌ستی چڵکاوخۆرانی رژیمی ئاخوندی شه‌‌‌هید کرا. 
شه‌‌‌هید ڕه‌‌‌حمان پوور که‌‌‌ریم ساڵی ١٣٦٣ لەبنەماڵەییکی کوردپەروەر، لە دێی ساردەکۆستانی  سه‌‌‌ر به‌‌‌ ناوچه‌‌‌ی گه‌‌‌ورکی مه‌‌‌هاباد، له‌‌‌ بنه‌‌‌ماڵه‌‌‌یه‌‌‌کی دڵسۆز و تێکۆشه‌‌‌ر چاوی بە دنیا هەڵهێناو بە ڕۆحی کوردایەتی لەسەر ڕێبازی سازمانی خەبات پەروەردە بوو. شه‌‌‌هید ڕه‌‌‌حمان هه‌‌‌ر له‌‌‌سه‌‌‌ره‌‌‌تای‌ لاویه‌‌‌تیه‌‌‌وه‌‌‌ خولیای‌ پێشمه‌‌‌رگایه‌‌‌تی ده‌‌‌بێ و له‌‌‌ ساڵی ١٣٨٢ دا  په‌‌‌یوه‌‌‌ندی به‌‌‌سازمانی خه‌‌‌باته‌‌‌وه‌‌‌ ده‌‌‌کا و له‌‌‌ناو شانه‌‌‌ نهێنیه‌‌‌کانی ته‌‌‌شکیلاتی سازمان دا ده‌‌‌بێته‌‌‌ ئه‌‌‌ندام و بوێرانه‌‌‌ ئه‌‌‌رک و کاره‌‌‌‌کانی خۆی به‌‌‌جێ ده‌‌‌گه‌‌‌یه‌‌‌نێ .پاش ئاشکرابوونی  له‌‌‌لایه‌‌‌ن ڕێژیمه‌‌‌وه‌‌‌، روو ده‌‌‌کاته‌‌‌ بنکه‌‌‌کانی سازمانی خه‌‌‌بات و له‌‌‌ دوای کۆتایی هاتنی سەرکەوتووانەی ده‌‌‌وره‌‌‌ی سیاسی نیزامی  چه‌‌‌کی دیفاع له‌‌‌ گه‌‌‌ل و شۆڕش له‌‌‌ ڕیزه‌‌‌کانی سازمانی خه‌‌‌بات دا ده‌‌‌کاته‌‌‌ شانی و ده‌‌‌بێته‌‌‌ پێشمه‌‌‌رگه‌‌‌. شەهید ڕەحمان دووهەمین شەهیدی بنەماڵەکه‌‌‌یه‌‌‌تی و مامێکی بەناوی  شه‌‌‌هید خدرپوورکەریمی لەڕیزه‌‌‌کانی سازماندا شه‌‌‌هید بووه.
شه‌‌‌هید ڕه‌‌‌حمان بەهۆی دڵسۆزی و لێهاتویی توانی  به‌‌‌زوویی قۆناغه‌‌‌کانی پێشمه‌‌‌رگایەتی به‌‌‌ سه‌‌‌رکه‌‌‌وتویی به‌‌‌رێته‌‌‌ سه‌‌‌ر و وه‌‌‌ک‌ کادرێکی چالاک  درێژه‌‌‌ به‌‌‌ ئه‌‌‌رکی شۆرشگێرانه‌‌‌ بدا. هه‌‌‌ر به‌‌‌ هۆی دلسۆزی و باوه‌‌‌ری قوڵی به‌‌‌ سازمانی خه‌‌‌بات  زۆر سه‌‌‌رکه‌‌‌وتوانه‌‌‌، توانی چه‌‌‌ند پله‌‌‌ و مه‌‌‌سئولیه‌‌‌تی جیاواز له ناو ‌سازمانی خه‌‌‌بات له‌‌‌ ئه‌‌‌ستۆ بگرێ‌ و ببێته‌‌‌ یه‌‌‌کێک له‌‌‌ کادره‌‌‌ به‌‌‌رچاو و دڵسۆزه‌‌‌کانی ناو ڕیزی شۆڕش.  ‌
لەماوەی نزیک بە١٣ساڵ پێشمەرگایەتی ،زۆر ئازایانە کاری کردو بۆ لەحزەێک باوەڕی بە سازمان کەم نەبوو،بەڵکوو ڕۆژ لە دووی رۆژ باوەڕی بە سازمان وڕێبازەکەی پتەوتر دەبوو.شه‌‌‌هید ره‌‌‌حمان به‌‌‌شی سه‌‌‌ره‌‌‌کی کاتی ته‌‌‌مه‌‌‌نی خۆی بۆ شۆڕش ته‌‌‌رخان کردو هیچ فشارێک نەیتوانی باوەڕی بە سازمان لەق بکات.بەردەوام خەڵکی هان دەدا بۆ شۆڕش وداوای لێ دەکردن پەیوەستی سازمانی خەبات ببن.تا دوایین هەناسە بە ڕێبازی شەهیدانی سازمان وەفادار مایەوە.بۆ ئەدا کردنی دەینی خۆی بە سازمان لە هیچ مەترسیک خۆی نەپاراست وجوامێرانە ڕێگەی شەهیدانی هەڵبژارد.
 شه‌‌‌هید ڕه‌‌‌حمان سارده‌‌‌کۆسانی له‌‌‌ کاتی ئه‌‌‌نجامدانی کار و ئه‌‌‌رکی شۆڕش و سازمانی خه‌‌‌بات له‌‌‌ ناوخۆی کوردستان و له‌‌‌ سه‌‌‌ردانی بنه‌‌‌ماڵه‌‌‌و که‌‌‌س و کاری دا ده‌‌‌که‌‌‌وێته‌‌‌ بۆسەی هێزەکانی رژێم و له‌‌‌ لایه‌‌‌ن به‌‌‌گکرێگیراوانی رژیمی ئاخوندییەوە شه‌‌‌هید ده‌‌‌کرێ‌. 
به‌‌‌ بۆنه‌‌‌ی شه‌‌‌هاده‌‌‌تی کاک ره‌‌‌حمان سارده‌‌‌کۆسانی، سازمانی خه‌‌‌باتی کوردستانی ئێران سەرەخۆشی گەرمی خۆی پێشکەشی خانه‌‌‌واده‌‌‌ سەربەرزەکەی، هاوسەنگەرانی‌و هەموو خەڵکی کوردستان دەکا و سڵاو ده‌‌‌نێرێ بۆ ڕۆحی پاکی شه‌‌‌هید ڕه‌‌‌حمان و سه‌‌‌رجه‌‌‌م شه‌‌‌هیدانی سورخه‌‌‌ڵاتی گه‌‌‌ل.
بڕوخێ ڕێژیمی جینایەتکاری ئاخوندی ئێران. سه‌‌‌رکه‌‌‌وێ خه‌‌‌باتی ڕزگاریخوازی کورد. 
بۆ پێشەوە تا وەدیهێنانی ئامانجە بەرزەکانی شەهیدان
 
 سازمانی خه‌‌‌باتی کوردستانی ئێران
کۆمیسیۆنی سیاسی نیزامی
5ی جۆزەردانی 1395