سازمانی خه‌بات ی
کوردستانی
ئێران
سیامەند
سیامەند
حکومەت و دەسەڵاتە دیکتاتۆرەکان، هەموویان یەک شێوە سیاسەت و کارکردن پەیڕەو دەکەن، وە تەنیا جیاوازی نێوانیان، سنووری جوغرافیایی و دەسەڵاتەکەیانە کە بە سەر ئەو گەل و میللەتانەیە کە حکومەت و ستەمیان بەرانبەر دەکەن. دیارە جیاوازیه‌‌‌کی دیکەشیان تێدا بە دی دەکرێ، ئەویش شێوەی بیرکردنەوە و ڕوانگەیانە. بۆ وێنە دەسەڵاتی دیکتاتۆری مەزهەبی، دەسەڵاتی دیکتاتۆری کومونیستی، وەک دەسەڵاتی ئیستالین لە کۆمارەکانی شۆرەوی (روسیە) و دەسەڵات و حکومەتی دیکتاتۆری ڕەگەزپەرەستی لە ژێر ناوی نەتەوەپەرەستی( نازیسم) هەروەک بیرکردنەوەی هیتلێر لە ئاڵمان و هەروەها فاشیزم وەک حکومەتی موسولینی لە ئیتالیا. له بنەڕەتدا ئامانجەکانی تێکڕای ئەو شێوە دەسەڵاتانە، لە چوارچێوه‌‌‌یه‌‌‌کی دیاریکراودا خۆ دەبینێتەوە کە ئەویش هەوڵدانه بۆ بەردەوام بوون لە حکومەت کردن بە هەر نرخێک و بە هەر شێوەێک بێ. ئه‌‌‌و حکومه‌‌‌تانه هه‌‌‌وڵ ده‌‌‌ده‌‌‌ن لە ڕێگەی سەپاندنی قورس ترین و بێ بەزییانەترین ستەم و بێدادیی، وە دروست کردنی بەندیخانەی گەورە بۆ بەند کردنی هاوڵاتیان و شکەنجەو ئیعدامی مرۆڤەکان، وە هەوڵ بۆ دوست کردنی بەکرێگیراو و کڕینی مرۆڤەکان و دروست کردنی جاسوس لە هەموو کون و قوژبنێکی ووڵاتدا، درێژه به حوکمڕانی خۆیان بده‌‌‌ن. هاوکات لەگەڵ شکەنجەی جەستەیی ودەرونی و بەند کردنی تێکۆشەران و ئازادیخوازان و ئیعدامی شۆڕشگێڕان، هەوڵی دەسەڵاتە دیکتاتۆرەکان دروست کردنی جاسوس و بەکرێگیراو لە ناو میللەتدا، بێگومان لە قورسترین جۆری هەوڵەکانە هەم لە باری شکەنجەی دەرونی و شێواندنی کۆمەڵگەو هەروەها لە بەکەم گرتن و بێ ڕێزی کردن بە دانیشتوانی ووڵات. بە داخەوە دەسەڵاتە ستەمگەرەکان هەر وەک لە کوشتنی هاووڵاتیان سنووریان تێ پەڕاندوە، لە هەمانکاتدا لە هەوڵەکان بۆ دروست کردنی خۆفرۆشان و جاسووس، هەموو سنوورێکی ئەخلاقی و ئینسانی و ئایینیان بەزاندوەو بەو کردەوە نا دروست و قێزەونەیان، کۆمەڵگەیان شێواندوەو کارێکیان کردوە پێوەندیەکانی نێوان تاکەکانی کۆمەڵگە بشێوێ. ڕون و حاشاهەڵنەگرە که ڕژیمی ئاخوندی و دیکتاتۆرو مەزهەبی لە ئێران، یەکێک لەو ڕژیم و دەسەڵاتانەیە کە هەموو ئەو و پێناسانەی لە خۆ گرتوون کە لە سەرەتادا باسم کردن. بە تایبەت هەوڵەکانی ئەو دەسەلاتە لە چل ساڵ حکومەت کردنیدا بۆ دروست کردنی جاسوس و بەکرێگیراو لە ژمار نایه‌‌‌ت. ئەو دەسەڵاتە دواکەوتوە بە هەوڵەکانی لە کڕینی دەرون و ناسنامەی ئینسانی هەر تاکێکی کۆمەڵگە، بە خەیاڵی دەتوانی ڕەوتی ڕاستیەکان لە سەر دەسەڵاتی دژی ئینسانی وەشارێ، وە هەروەها بەو کارە قێزەونەی هەوڵ دەدا تا بەڵکو بتوانێ درێژە بە حاکمیەتی جینایەتکارانەی بدات. ئەوەی کە لە ئێستادا بەرچاودەکەوێ، دەسەلاتدارانی ڕژیمی ئێران زیاتر لە ڕابردوو پەرەیان بە کاری نەشیاوی جاسوس پەروەردە کردن و بەکرێگیراو پەروەردەکردن داوە. تەنانەت لەم هەلومەرجە حەستەمەدا کە نەخۆشی کڕۆنا هەڕەشێکی گەورەیە لە سەر خەڵکی ئێران بە تێکڕاو خەڵکی کوردستانی ئێران بە تایبەت، دەسەڵاتدارانی ڕژیمی ئێران لە جیات ئەوەی خزمەتی نەخۆش و دەردەداران بکەن و سەرمایەی خەڵکی ئێران بۆ هەژاران بە تایبەت و خەڵکی ئێران بە کار بێنن، بەڵام بەردەوامن لە گەندەڵکاری، وە بە تایبەت لە هەوڵی دروست کردنی جاسوس و بەکرێگیراو دان لە رێگەی خەرج کردنی پووڵ وسەرمایەی گشتی. دیارە ئەو هەلومەرجە نالەبارەی لە ئێراندا هەیەو، بوونی هەژاری و بێکاری کە هەر خودی دەسەڵات بەرپرسیارو هۆکاری بوون، بۆتە دەرفەت و هەل بۆ ڕژیم بۆ سازدانی ڕایەڵەی بەکرێگیراوی لە ناوخۆی ئێران و لە دەرەوەی ئێراندا. دەسەڵاتدارانی ڕژیمی ئێران دەبێ ئەو ڕاستیە بزانن کە ئەگەر توانیبتیان ژمارەێک کەس بکەنە بەکرێگیراو، بەڵام نەیانتوانیوە هیچ کام لەو ڕاستیە تاڵانەی لە ئێراندا هەیە بگۆڕن و هەروەها نەیانتوانیوە ڕەوایی بدەن بە دەسەڵاتی دیکتاتۆرەیان ڕقی جەماوەر کەم بکەنەوە. ڕەنگە دەسەلاتدارانی ڕژیم بتوانن چەند کەس بخەنە داوی خەیانەت و خۆفرۆشی، بەڵام تەنانەت زۆربەی ئەو کەسانەش کە بە هەر هۆێک فریوی ئەو دەسەڵاتە جینایەتکارو دیکتاتۆرەیان خواردوە،لەو سیستمە دواکەوتوو جینایەتکارە ڕازی نین و کات دەژمێرن بۆ ڕوخان و لەناوچوونی. ئیدارە بەدناو و ئەمنیەتی و جاسوسیەکانی ڕژیمی ئاخوندی لە هەوڵەکانیان بۆ پەرەپێدانی دیاردەی جاسوسی، مەبەستیانە شیرازەی کۆمەڵگەو پێوەندیەکانی نێوان هاونیشتمانیان بشێوێنن. ئەو هەوڵانەشیان بۆ دروست کردنی جاسوس لە ڕیزی هێزە شۆڕشگێرکانی ئوپۆزیسیۆن بە گشتی و سازمانی خەبات دا بە تایبەت، نە تەنیا سەرکەوتو نابێ بەڵکو دەبێتە زیاتر قێزەون بوونی ئەو ڕژیمە ملهورو جینایەتکارە. ئیدارەو دامەزرازوە ناو زڕ٠اوەکانی ئیتلاعات و جاسوس پەروەردەکردن باش ده‌‌‌بێ ئه‌‌‌وه بزانن کە سازمانی خەبات بە وردی ئاگاداری کردەوەکانیانەو هیچ کردەوەێکیان لە سازمانی خەبات شاراوە نیە. هەڵگرتنی فیلم و ویدیۆ لە بنکەکانی سازمانی خەبات، زانیاری کۆکردنەوە لە سەر چالاکیەکانی سازمانی خەبات نەک ناتوانی هیچ کاریگەرێکی لە سەر ڕەوتی کارەکانی هەبێ و کاربکاتە سەر پیوەندی نێوان تێکۆشەرانی، بەڵکو زیاتر دەبێتە هۆی دۆڕاوی دەسەلاتی ئاخوندی و بە هێز کردنی ئەو بڕیارەی کە سازمانی خەبات هەمیشە پێداگری لە سەر کردۆتەوە، کە ئەویش یەکێک لە ئامانجە سەرکیەکانمان تێکۆشانە بۆ روخانی ڕژیمی ئاخوندی. بێگومان هەموو کەسێکی خاوەن هەست و تێگەیشتوو دەزانێ کە نابێ خۆی بکاتە دەستەچیلەی حکومەت و دەسەڵاتی دیکتاتۆرو ملهوڕی ئاخوندی. ئاشکرایە ئەو کەسانەی فریوی ئەو ڕژیمە دژی ئینسانیە دەخۆن، درەنگ یا زوو بیر دەکەنەوەو دەزانن کە ڕێگەی هەڵەیان گرتوەو حەتمەن بڕیاری شیاو دەدەن و پێناسەی ئینسانیان دەستێننەوەو خۆیان لە مەرگی شەخسیەتی ڕزگاردەکەن.
