سازمانی خه‌بات ی
کوردستانی
ئێران
بە داخەوە حاجی مەلا عزیز شەریفی ناسراو بە مەلا عەزیز وشترمل بە شێوەێکی جێگەی گومان لە نەخۆشخانە ،کۆچی دوایی کرد.
حاجی مەلاعەزیز یەکێک لەو مامۆستا ئایینیانە بوو کە لە خزمەت گەل و نیشتماندا و یەکێک لە کادرو ئەندامە دێرینەکانی سازمان لە بانەو ناوچەی پاش ئاربەبا بوو. مامۆستا مەلا عەزیز زۆر سەربەرزانە ژیاو لە گەڵ خانەوادەکەی بە هۆی تێکۆشان لە پێناو گەل و نیشتمان و خزمەت بە ڕێبازی سازمانی خەبات تووشی گەلێک ناخۆشی و چەرمەسەری بوون و هەر بە هۆی فشارەکانی ڕژیم و خۆفرۆشانەوە ناچار بوون ماڵ و حاڵیان لە ووشتر مل بە جێ بێڵن. مامۆستا مەلا عەزیز برای شەهیدی قارەمانی کوردو رێبازی سازمانی خەبات شەهید کاک حوسەین ووشترملی یە، کە لە دیفاع لە نیشتمان و لە بەرەبەرەکانێ بەرانبەر پاسدارە خۆێن ڕێژەکانی ڕژیمی جینایەتکاری ئاخوندی شەهید بوو.
بە بۆنەی کۆچی دوایی حاجی مەلا عەزیز،سەرە خۆشی و هاوغەمی خۆم و هاوباوەڕانم لە سازمانی خەبات، بە خانەوادەی مامۆستا مەلا عەزیز و خەڵکی پاش ئاربەباو ناوچەی بانە ڕادەگەێنم.
سازمانی خەبات ی کوردستانی ئێران
بابەشێخ حوسەینی
19 ی بانەمەڕی 1399 کۆچی خۆری
