سکرتێری گشتی سازمانی خەبات کردەوەی ترۆریستی لە شاری( نیس) فەڕانسە مەحکوم دەکات

بە داخەوە جارێکی دیکە ترۆریستان لە فەڕانسە کردەوەی ترۆریستی و قێزەونیان لە کلیسای نوتردام لە شاری نیس، ئەنجامدا کە بە داخەوە سێ‌ کەس لە هاونیشتمانی فەڕانسەیی کوژران وئەو جینایەتە ترس و دڵەڕاوکێ‌ لە فەڕانسە بە تێکڕاو شاری نیس بە تایبەت بە دوای خۆیدا هێنا.
بە توندی ئەو کردەوە تروریستیە مەحکوم و هاوبەشی غەم وپەژارەی خەڵک و حکومەتی فەڕانسەو خاوەن باوەڕانی مەسیحی و تێکرای پێکهاتە ئایینەکان و دانیشتوانی فەڕانسە دەکەم. گومانی تێدا نیە کە پێکەوە ژیانی ئاشتیانە لە نێوان لایەنگرانی ئایین و بیروباوەڕەکان بە سەر نەزانی و ویستی توندو تیژی و تروریستەکاندا سەردەکەوێ‌.
ئاشکرایە هەر کردەوەێکی ترۆریستی و بە هەر بیانوو پاساوێک، پێچەوانەی بنەما ئایینی و ئینسانیەکانەو تروریستان بە هەلسوکەوتی نەشیاو بە ڕەشەکوژی، مەبەستیانە ئاشتی و پێکەوە ژیان لە کۆمەڵگەی مرۆقایەتیدا تێک بدەن، بەڵام هیچ کات مەبەستی دزێویان ناگاتە ئەنجام و سەرکەوتو نابن.

سازمانی خەبات ی کوردستانی ئێران
سکرتێری گشتی
بابەشێخ حوسەینی
9 ی خەزەڵوەری 1399 کۆچی خۆری
30 ئۆکتۆبری 2020