چاوخشانێک بە کارنامەی سێ ساڵەی حکومەتی رۆحانی!

 سێ ساڵ لە هاتنەسەر کاری حەسەنی رۆحانی تێپەڕی. لەو سێ ساڵەدا خەڵکی ئێران وەعد و بەلێنیێکی زۆریان لێ بیست.

سەرەتا نمونە گەلێک لە ئیدیعا و بەڵێنەکانی حەسەنی رۆحانی وەبیر دێنینەوە: ناوبراو لە یەکەم وتووێژی تەلەفزیۆنی دا لە 19ی خەرمانانی 1392 گووتی: ئەو دەوڵەتە، دەوڵەتێکی وەڵامدەر دەبێ و راپۆرتەکانی بەپێی تەبلیغات و پروپاگەندە نیە.

لە 17ی بانەمەڕی 1392 لە وەڵامی پرسیاری خوێندکارانی زانستگای شەهید بەهەشتی دا گووتی: ئەگەر ببمە سەرەک کۆمار "جاڕنامەی مافی هاوڵاتی" دادەرێژم و پەسەندی دەکەم. لەو جارنامەدا هەموو ئێرانیەک بەرابەر دەبن.

لە رێکەوتی 18ی جۆزەردانی 1392 لە گردبوونەوەیەکدا لە ژێر ناوی "تەدبیر و ئومید" کە لە وەرزشگای شیرودی تاران بەرێوەچوو گوونی: زیندانی سیاسی بۆچی؟ کارێک بکەین تێکڕای بەندیەکان ئازاد بکرێن. لە مافی هاوڵاتیدا ژن و پیاو بەرابەرن. لە مافی هاوڵاتیدا کورد و فارس و تورک و بەلوچ و تورکەمەن و عەرەب بەرابەرن. ئەوانەی کە بەهۆی بۆچوونەکانیان لە زانستگا وەلانراون دەبێ بگەرێنەوە لە خوێندنەکەیان.

لە بەرنامەیەکی تایبەت بە شانۆی هەڵبژاردنی سەرەک کۆماری کە لە تەلەفزیونی حکومەتی جامی جەم، 19ی جۆزەردانی 1392 گوتی: ئازادی را دەربڕین، ئازادی رادەربڕین، ئازادی رەخنەگرتن و چالاکی ئەوانەی بۆچوونی جیایان هەیە. هیچ وەڵاتێک پێش ناکەوێ مەگەر ئەوەی ئازادی رەخنە و رادەربڕینی تێدا بێ.

لە بەرنامەی لەگەڵ دوربینی سیما لە تەلەفزیۆنی رژێم گوتی: 

لە بەرنامەی مندا جوێ لە بەرنامە بۆ چارەسەری کێشەی ئابووری و کۆمەڵایەتی و سیاسەتی ناوخۆ و دەرەوەو فەرهەنگی، بەرنامەی کورتماوەی یەک مانگە و سەد رۆژە هەیە ئێمە دەتوانین لەو ماوە کورتەدا ئاڵوگۆڕی ئابووری لە وەڵاتدا دروست بکەین.

ئێستا لە مەسەلە جۆرتوجۆرەکاندا چاوێک لە کارنامەی کابینەی ئەو ئاخوندە دەکەین:

هەلی کار

سێ ساڵ لەوەپێش رۆحانی لە 6ی جۆزەردانی 1392 لە وتووێژێکدا لەگەڵ شەبەکەی 2ی رژێمدا گوتی: کێشە و بەربەستەکانی بەرهەمهێنان بە تەدبیرێک چارەسەر دەکرێ، ئێستا زیاتر لە 41 هەزار ناوەندی پێشەسازی نیوەتەواو لە وەڵاتدا هەیە کە بە بودجەیەکی 34 هەزار ملیارد تمەنی تەواو دەکرێن و هەلی کار بۆ 499 هەزار کەس دەرەخسێ.

هەر وەک بینیمان رۆحانی جۆزەردانی 1392 گوتی کە بە 34 هەزار ملیارد تمەن دەکرێ 41 هەزار ناوەندی پیشەسازی نیوەتەواو وەڕێ بخەن و هەلی کار بۆ 499 هەزار کەس برەخسێنن. ئێستا جۆزەردانی 1395ە دەزانین کە دەوڵەتی ناوبراو لە ساڵی 92 تا ئێستا بە گشتی 77 هەزار ملیارد تمەن زیاتر لەو 40 هەزار ملیاردەی داهات هەبووە. بەڵام نەک ئەو ناوەندانە وەگەر نەکەوتن بەڵکوو وەک دەبینین وەزع خراپتریش بووە.

رێکەوتی 21ی جۆزەردانی 1395 ئیبراهیمی رەزاقی مامۆستای زانستگاو ئابووری ناس کە لەگەڵ هەواڵدەری سوپای پاسداران (فارس) وتووێژی دەکرد گوتی: لە ئێستادا 15 بۆ 20 ملوێن کەس بێکارن بەڵام حکومەت بەشێوەی جۆراوجۆر ئەو ئامارە دەشارێتەوە.

ناوبراو لە درێژەدا ئیشارەی بە یارانەی 45 هەزار تمەنی کرد کە لە ئێستادا 15 هەزار تمەن نرخی شت کرینی نەماوەو لە درێژەدا گوتی: 70 لەسەدی موچەخۆرانی ئێمە لە ژێر هێڵی هەژاریدان.

سەرۆکی ناوەندی ئامار، عادلی ئازەر لە25ی خاکەلێوەی 1395 لە تەلەفزیۆنی رژێم ئاماری بێکارانی لە نێو خوێندکاران و فەوقە دیپلۆم بۆ سەرەوەی لە ساڵی 94ی 998 هەزار و 500 کەس راگەیاند و زیادی کرد: 130 هەزار کەس بە پلەی کارناسی ئەرشەد، دوکتورای پسپۆر بێکارن.

بەهەمهێنان:

رۆحانی لە بەرنامەی هەڵبژاردنی ئێرانی! لە تەلەفزیۆنی جامی جەمی رژێم 9ی جۆزەردانی 92 راگەیاند: بە سەروسامان دانی کار وکاسبی دەتوانین پەرە بە بەهەمهێنان بدەین. لە بەشی پیشەسازی، فەلاحەت و جوتیاری، خزمەتگوزاری ئەگەر بەهەمهێنان پەرە بستێنێ مانای ئەوەیە کە لە بازاردا کەل و پەل و خزمەتگوزاری دابین کردن کەل و پەل، لە داواکاری زیاتر دەبێ.

هەروەها لە یەکەم دیمانەی تەلەفزیۆنی لەگەڵ خەڵک 19ی خەرمانانی 92 گوتی:

کاری سەرەکی دەولەتی یازدەهەم، پەرەپێدانی بەرهەمهێنانە. "ئێمە رێگەگەلێکمان دیوەتەوە بۆ ئەوەی بتوانین یارانەکان دابین بکەین.

لە بەرنامەی دوربینی سیمایش ئیدیعای کرد کە: کارخانەکانی وەڵات لە 20 بۆ 40 لەسەد چالاکن و ئێمە دەبێ تێکڕای ناوەندەکانی بەرهەمهێنان بەتەواوی چالاک بکەین و ئەوەش کارەمان بۆ دەکرێ. لە بەرنامەی مندا جوێ لە بەرنامەی چارەسەری کێشەی ئابوری، کۆمەڵایەتی، سیاسەتی ناوخۆ و دەرەوە و کاروباری فەرهەنگی، بەرنامەی کورت ماوەی یەکمانگەو سەد رۆژەی تێدایە و ئێمە دەتوانین لە ماوەیەکی کەمدا لە باری ئابووریەوە ئالوگۆڕ دروست بکەین.

بەڵام لە ئێستادا چی دەبینین،  تەنیا باس لە دوو نمونە وەڵامی هەموو ئەو ئیدعایانە دەداتەوە:

رەسالەت 24ی جۆزەردانی 1395: داخرانی کارخانەی ئەرج کە پێشوونەی 60 ساڵ کار بەرهەمهێنان و ئابووری هەبوو زەنگێکی مەترسیداری لە بازاری کارو کاسبی لێداوە. هەر رۆژە هەواڵی داخرانی دەیان ناوەندی بەرهەمهێنان بڵاودەکرێتەوە. زیاتر لە 7 هەزار ناوەندی بەرهەمهێنان لە ناوچە پیشەسازیەکان داخراون.

نمونەیەکی دیکە رۆژی 22ی جۆزەردانی 95 سێهەمی کرێکاری شارەداری ئەهواز ئاگری لە خۆی بەردا. ئەو کرێکارە ناوی ئیسماعیلی شاوردی بوو کە 6 مانگ بوو موچەکەی وەرنەگرتبوو وە بەهۆی دەستکورتی و هەژاریەوە لە پێش بینای شارەداری ئەو شاری ئاگری لە خۆی بەردا.

فێرکردن و بارهێنان:

رۆحانی لە سەرەتای رەزبەری 1392 کاتی کردنەوەی قوتابخانەکان گوتی:

قوتابیەکان دەبێ ئەوە بزانن کە بەشێوەی بەرابەر مافی خوێندنیان هەیە. قوتبیان دەبێ بزانن وێک یەک کەل و پەلیان بۆ دابین دەکرێ. تێکڕای قوتابیان لە یەکەمی سەرەتایی تا کۆتایی ناوەندی دڵنیان بن کە ئاسایشی جەستەیی و رۆحیان لە قوتابخانە بۆ دابین دەکرێ.

ئەرۆ چارەنووسی قوتابی و قوتابخانە چۆنە؟ دیسان دوو نمونە بەستە:

جێگری وەزیری فێرکردن و بارهێنانی رژێم عەلی زرئەفشان، لە رەزبەری 1394دا رایگەیاند بەگشتی لە سەرەتاییەوە بۆ کۆتایی ناوەندی نزیک بە 800 هەزار قوتابی واز لە خوێندن دێنن.

ئوستانداری رژێم لە خوزستان عەبدولحەسەن موقتەدایی گوتی: 90 هەزار منداڵ کە وازیان لە خوێندن هێناوە. بە پێی وتەی ناوبراو ئوستانی خوزستان لەو پێنج ئوستانەیە کە زۆرترین منداڵ واز لە خوێندن دێنن و لە قوتابخانە دوور دەکەونەوە.

بەرێوەبەری گشتی فێرکردن و بارهێنانی رژێم لە تاران رایگەیاندوە کە لەو شارەدا 25 هەزار منداڵ بەجێی خوێندن خەریکی کارن.

میانەرەوی و ئازادی:

رۆحانی لەبارەی مافی هاوڵاتی بوون لە 17ی خەرمانانی 1392 دا لە وەڵامی خوێندکارانی زانستگای ناسراو بە شەهید بەهەشتی گووتی: ئەگەر ببمە سەرەککۆمار "جارنامەی مافی هاوڵاتی" دەنوسم و پەسەندی دەکەم. لەو جارنامەدا هەموو ئێرانیەکان بەرابەرن. 

رێکەوتی 18ی جۆزەردانی 1392 لە گربوونەوەیەک لە ژێر ناوی "تەدبیر و ئومید" لە وەرزشگای شیرودی تاران رایگەیاند زیندانی سیاسی بۆچی؟ با کارێک بکەین هەموو زیندانیان ئازاد بکرێن. لە مافی هاوڵاتیدا ژن و پیاو بەرابەرن. لە مافی هاوڵاتیدا کورد، فارس، تورک، بەلوچ، تورکەمەن و عەرەب بەرابەرن. ئەوانەی بە هۆی بۆچونیانەوە لە زانستگاکان دەرکراون دەبێ بچنەوە سەر خوێندنەکەیان...

دیسان سەرنجی چەند نمونەیەک لە پێشێلکردنی مافی هاوڵاتیان لە ئێران بدەن:

رۆژی 27ی رەزبەری 1394 گردبوونەوەیەکی نارەزایەتی خانەوادەی زیندانیانی سیاسی، دایکی شەهیدانی راپەرین و چالاکانی مافی مرۆڤ هاورێ لەگەڵ دوکتور محەمەد مەلەکی لە بەرامبەر بینای لاستیکی دنا لە شەقامی گاندی بەرێوەچوو.

ژمارەیەک لە خانەوادەی شەهیدان و زیندانیانی سیاسی لەوانە خانمی کریم بەیگی، خانمی میهەن فەر، خانمی پاکرەوان، خانمی سیمین عیوززادە لەگەڵ دوکتور محەمەد مەلەکی رۆژی 10ی سەرماوەزی 1394 بەدەم خانەوادەی زینالیەوە چوون.

هاشمی زەنالی باوکی سەعید زینالی و سیمین عیوززادە دایکی زیندانی سیاسی ئومید عەلی شناس، رۆژی 30 خەزەڵوەر لەو گربوونەوەی نارەزایەتی خانەوادەی شەهیدان و زیندانیانی سیاسی بە هۆی هێرش و پەلاماری وەحشیانەی وەزارەتی ئیتلاعات لەگەڵ ژمارەیەکی دیکەدا گیرابوون. هێزە سەرکوتگەرەکانی سوپا کاتی پەلامارەکە هاشمی زەینالیان بە لێدان بۆ کەلانتەری وەلەنجەک و دواییش بۆ زیندانی ئەوین گواستەوە.

نمونەیەکی دیکە کە نمونەیەکی زەقی درۆکانی رۆحانیە کوشتنی کۆڵبەران و سەرکوتی خەڵکی ناوچە کوردیەکانە:

بە پێی هەواڵە نافەرمیەکان ساڵی 2015 زیاتر لە 44 کولبەر لەلایەن هێزەکانی رژێمی ئێرانەوە کوژراون. کوشتنی کۆلبەرانی کورد لەم ساڵدا بەشێوەیەکی بەرچاو پەرەی سەندوە.

نوێترین کردەوەی قێزەونی هێزەکانی رژێمی ئێران کوشتنی دو برای کوڵبەر بەناوەکانی رەئوف و ئەبوبەکری عەلیخانی خەڵکی نێروانی ناوچەی سەردەشت بوو. هێزەکانی رژێم لە دوای دانەوەی تەرمی ئەو دوو برا لاوە ئاو برقی دێهاتەکەش دەبڕێ و بەتەواوی ئابڵوقەی گوندەکە دەدا و لە کەشێکی ئەمنیەتیدا رێگە بە ناشتنی تەرمەکانیشیان دەدا. هاوکات بە هۆی هێرش و پەلاماری هێزە سەرکوتگەرەکان بۆ سەر ئەو گوندە خەڵک ناچار دەبن گوندەکە بەجێ بێڵن و روو لە گوندەکانی دەورووبەر بکەن.

 

رۆژی 5ی جۆزەردانی 1395 هێزەکانی رژێم پەلاماری جەژنی دەرچوونی خوێندکارانی قەزوینیان کرد و 35 کور و کچیان گرتووەو هەر ئەو رۆژە حوکمی 99 زەربە قەمچیان بەسەردا سەپاندوون و دەس بە جێ حوکمەکەشیان بەرێوە بردوە.

لە یەکەم رۆژی مانگی رەمەزانیشدا ێکارێکی شاری قیر و کارزینی ئوستانی فارس بە بیانووی خواردنی رۆژوو لە پێش چاوی خەڵکدا داوەتە بەر قەمچی.

لەو ماوەی 3 ساڵ دەسەڵاتداریەی ئاخوند رۆحانیدا زیاتر لە 2500 کەس لە قەنارە دراون و بە پێی هەواڵی هەواڵدەری ئیرنا، سەرۆکی رێکخراوی زیندانەکان ساڵانە 500 هەزار کەس رەوانەی زیندانەکان دەکرێن.

با چاوێکیش لە پێشێل کردنی مافە سەرەتاییەکانی مافی هاوڵاتی بکەین:

رۆحانی لە 3ی رەزبەری 1392دا لە دیمانەیەک لە گەڵ ئی ئێن ئێن گووتی: هەموو هەوڵی من ئەوەیە کە خەڵکی ئێران بە ئاسانی دەستیان بە هەموو زانیاریەک بگات و کەڵکی لێوەرگرن.

دیسان لە رەزبەری 1392دا رۆحانی لە نیۆیۆرک رووهەڵماڵراوانە ئیدیعای کرد کە لە ئێراندا لە پشتە بانی هەر گوندیەکیشدا ئانتینی ماهوارە دەبینن.

بەڵام راستی هەلومەرجی ئازادی لە ئێران لە چەند نمونەیەکدا دەخەینەروو.

لە شیراز 800 دەزگای ئانتینی ماهوارە لە ژێر خەرجی نەفەربەری سەربازیدا پان کراونەتەوە.

رۆحانی هەر لەو دیمانەیدا بە درۆ وتی من پێم وانیە کەسێک بەهۆی کاری رۆنامەنووسی و چالاکی راگەیاندنەوە گیرابێ.

بانکی مون سکرتێری گشتی نەتەوەیەکگرتووەکان مانگی مارسی 2013: دەوڵەتی رۆحانی هیچ پێشکەوتنێکی لە چارەسەری ئازادی رادەربریندا نەبووە. ناوبراو زیادی کرد: بە پێچەوانەی بەڵێنەکانی ئاغای رۆحانی فشار بۆ سەر راگەیێننەکان و رۆژنامەنووسان لە ئێران بەردەوامە.

لە راپۆرتی ساڵانەی رێکخراوی هەواڵنێرانی بێ سنوور 3ی مای 2016 هاتووە: ئێران لە پلەبەندی جیهانیدا بۆ ئازادی چاپەمەنی لە نێوان 180 وەڵات لەپلەی 169دا جێی گرتووە.

گەندەڵی:

رۆحانی سەبارەت بە گەندەڵی هەر لەەو بەرنامە تایبەتەی هەڵبژاردنی ئێرانی لە تەلەفزینی جامی جەم گوتی: من هەموو دامودەزگا دەوڵەتیەکان ئەرکدار دەکەم بەوەی کە تێکڕای چالاکیە ئابووریەکانیان بڵاوبکەنەوە.

هەروەها لە دیبەیتێکی هەڵبژاردندا رێکەوتی 10ی جۆزەردانی 1392 رایگەیاند: لە باسی دادپەروەری، لە ساڵانی رابردوودا بەداخەوە لەگەڵ گەندەڵی و فسادێکی بەرچاودا رووبەرووین و رێبەریش هەمیشە تەکیدی لە سەر کردۆتەوە بەهەر حاڵ دادپەروەری بۆ تێکرای خەڵک هەیە و بۆ هەموو ئێرانیەک، هەموو نەتەوەیەک، هەموو مەزهەبێک، ژن و پیاو دەبێ هەلی بەرابەر برەخسێ.

بەڵام با چاو لە موچەی زۆری بەرێوەبەرانی حکومەتەکەی ئەو ئاخوندە بکەین: لە کاتێکدا زۆرینەی خەڵک لەگەڵ قەیرانی بژیودا دەست و پەنجە لێدەدەن، بەرێوەبەری بانکێک لە رەزبەر و رەشەمەی ساڵر رابردوودا موچەی 151 و 234 ملوێن تمەنی وەرگرتووە.

ئەو بەرێوەبەرە پێشتر لەگەڵ برای حەسەن رۆحانی و دوو کەسی دیکە شیرکەتێکی ئاڵووگۆڕی دراو و زێریان دامەزراندبوو.

مافی نەتەوە، دین و مەزهەبەکان:

رۆحانی لە وتووێژی لەگەڵ سی ئێن ئێن 3ی رەزبەری 1392، سەبارەت بە مافی هاوڵاتی بەتایبەت نەتەوە و دین و مەزهەبەکان وتبووی: من بەڵێنم بە خەڵک داوە کە لەبارەی مافی هاولاتی جارنامەیەک بڵاوبکەمەوەو دوایی بینێرم بۆ مەجلیس بۆ ئەوەی بکرێتە قانوون. بۆئەوەی بەو جارنامەیە زۆرێک لە کێشەکانی ئێستای کۆمەڵگە چارەسەر بکرێ.

لە راگەیەندراوی ژمارە سێی رۆحانی لە 13ی جۆزەردانی 1392 سەبارەت بە مافی نەتەوە و دین و مەزهەبەکاندا هاتووە:

رەچاوکردنی مافی شوێنکەوتووانی باقی دین و مەزهەبەکان و دەخاڵەت نەکردن لە کاروباری دین و مەزهەبی ئەوان و دابین کردنی ئازادی لە هەڵبژاردنی دین و مەزهەب و رێگەدان بە بەرێوەبەری داب و نەریت و ئەرکە دینیەکان بە بێ جیاوازی.

ئێستا ئیشارە بە پاراستنی ئەو مافانە بکەن: 25ی سەرماوەزی 1394، لە 8 مانگی یەکەمی ئەو ساڵەدا 12 کەس لە پێشرەوان و فەقێکانی ئەهلی سوننەتی بەلوچ دەست بەسەر کراون. رژێم هۆی گرتنەکەیانی رانەگەیاندوە و خانەوادەکانیان هیچ زانیاریەکیان لە گیراوەکانیان نیە.

رۆژی 26ی جۆزەردانی 1395 دەست و پێوەندەکانی رژێم لە شاری ئەسەدیەی ئوستانی خوراسانی باشوور مزگەوتێکی سوننیەکانیان داخستووەو وێران کردوە.

ئەو هەنگاوەی هێزەکانی رژێم لە کاتێکدایە کە شوێنکەوتووانی سوننی لە ئوستانی خوراسانی باشوور بۆ بەجێ هێنانی ئەرکە دینیەکانیان کەمی شوێن و جێ و رێ یان هەیە.

13ی بانەمەڕی 1395 کۆمسیۆنی نێودەوڵەتی ئازادی مەزهەبی ئەمریکا نووسی: رژێمی ئێران یەکەم رژێمە بۆ پێشێلکردنی ئازادی مەزهەبی لە جیهاندا. ژمارەی مەسیحیە زیندانی کراوەکان تا بانەمەڕی 1395 بە 90 کەس گەیشتووە. لە چەند ساڵی رابردوودا چەندین پارێزەر بە هۆی بەرگری کردن لە مەسیحی و بەهائیەکان لەلایەن بێ دادگاکانی رژێمەوە حوکمی زیندانیان بە سەردا سەپاوە.

شوێن کەوتووانی ئایینی یاری (ئەهلی حەق) لە سێهەمین ساڵیادی خۆکوژی ناڕەزایەتی دوو کەس لە پەیرەوانی ئەو ئایینە لە سەحنە، دەستیان دایە ناڕەزایەتی و بەرەو گۆری "نیک موراد تاهیری" چوون و داوای بە رەسمی ناسینی ئایینی یاری و ئیسلاحی قاوونیان کرد.

ساڵی 1392 لە دوای بێ رێزی بە زیندانیانی یارسانی لە زیندانی هەمەدان دوو کەس لە شوێنکەوتووانی ئەو ئایینە بە ناوەکانی "حەسەن رەزەوی" و نیک موراد تاهیری" لە 14 و 15ی جۆزەردانی 1392دا لە بەرامبەر ئوستانداری رژێم وەک نارەزایەتیەک بەو بێ رێزیانە ئاگریان لە خۆیان بەردا.

کشت وکاڵ و  مەروماڵات:

رۆحانی 6ی جۆزەردانی 1392 لە وتووێژێمی تایبەت سەبارەت بە هەڵبژاردنەکان لەگەڵ شەبەکە 2ی رژێمدا ئیدیعای کرد کە بەرهەمهێنان پەرەدەستێنێ، بەرهەمهێنان لە بەشی پیشەسازی و کشت و کاڵ و خزمەتگوزاری لە هەموو شوێنێک چالاک دەبێ.

چەند نمونەیەک بۆ دەرخستنی درۆکانی رۆحانی لەو بارەوە:

20ی خەرمانانی 95 ژمارەیەک لە مەڕەدارانی ئیسفەهان بە کۆبوونەوە لەبەرامبەر بینای ئیدارەی کشت وکالی رژێم لەو ئوستانە، بەهۆی هەلومەرجی خراپی پیشەکەیان ناڕەزایەتیان دەربڕی.

ئەو نارازیانە دروشمگەلێکی لەو شێوەیان هەڵگرتبوو: دوێنێ کشت وکاڵی ئیسفەهانیان لە ناوبرد، ئێمرۆ مەڕەوماڵات، سبەی نۆبەی کام بەرهەمهێنانێکی دیکەیە؟ و بێ تەدبیری بەرپرسان مەرداری وەڵاتی لەناوبردوە.

ئەوان هەروەها بە رژانی رێژەیەکی زۆری شیر لە بەرامبەر ئەو ئیدارەیەی رژێم، ناڕەزایەتی خۆیان لە پشتیوانی نەکردن لە بەرهەمهێنانی ناوخۆ، سەرهەڵدانی نەخۆشی "تەبی بەرفەکی" کە بەهۆی هاوردەکردنی مەڕوماڵاتی نەخۆشەوە سەری هەڵداوە، هاوردەکردنی شیری وشک و کێشەکانی نرخی بەهەمەکانی شیر، دەربڕی.

29ی بانەمەڕی 1395 شیرکەتی تەعاونی گاودارنی بەجنورد وتی: بۆ فرۆشتنی شیری مانگاکان سەرگەردانین.

بە پێی ئیعترافی بەرێوەبەری ناوەندی ئەنجومەنە سینفیەکانی پیشەسازی خواردەمەنی، 80 لەسەدی بەکارهێنانی گەنم هاوردە دەکرێ.

قاچاخ:

ئەگەر ئاماری ناوەندی بەربەرەکانێی لەگەڵ قاچاخی کەل و پەل و زێر قەبوڵ بکەین 15 ملیارد دولار کەل و پەل بە قاچاخ هاوردەی ئێران دەکرێ. ئەو رێژەیە بۆ وەڵاتێک لە تەجارەتی دەرەویدا ساڵی رابردوو کەمتر لە 40 ملیارد دوڵار بووە، ژمارەیەکی زۆر و بەرچاوە. یانی نزیک بە 40 لەسەدی هاوردەکردنی کەل و پەل بۆ ئێران بەشێوەی قاچاخ ئەنجام دەدرێ. وە بەشێکی زۆری قاچاخی کەل و پەل بۆ ناوخۆی ئێران لەلایەن سوپای پاسدارانەوە ئەنجام دەدرێ. وە ئێستا با بزانین روانگەی رۆحانی بۆ سوپای پاسداران چیە؟

رۆحانی لە کۆنفرانسی ئابووری ئێران "14ی بەرفرانباری93" بە ئیشارە بە سوپای پاسداران گووتی: ناکرێ لایەنێک کاری ئابووری بکاو ماڵیات نەدا، بەڵام تا دەڵەین فڵان لایەن دەبێ ما٠Žلیات بدات کێشەیەک ساز دەبێ. لە ئابووریدا نابێ جیاکاری بکرێ. وە هەموو دەزگاکانی حکومەت دەبێ چالاکیە ئابووریەکانیان ئاشکرا بکرێ و شەفاف بێ. یانی هەموو کەس ئاگادار بێ لە ئامار و ژمارە و پرۆژە ئابووریەکان، چوونکە لێڕە کوڕە پوور و کووڕە میمکمان نیە.

بەڵام لەلایەکی دیکە روانگەی هەر ئەو ئاخوندە لە سەر سوپاس پاسداران بخوێننەوە: بیستەمین کۆبوونەوەی گشتی فەرماندەو بەرپرسانی سوپای پاسداران 25ی خەرمانانی 1392:

سوپا خاوەنی هێزی مرۆیی، ئیمکانات و بەرنامەیە و دەبێ ئەورۆ دژمن ئابووری کردۆتە ئامانج، بێتە پێش و وە بەو روانینەی کە بۆ وەڵات و خەڵک هەیەتی قۆلی لێ هەڵکات و بەشێک لە باری خەڵک، نیزام و حکومەت و چەند پرۆژەی نەتەوەیی و گەورە وەئەستۆ بگرێ. خەڵک هەر بەو شێوەی کە لە شەڕدا دڵسۆزی سوپاییەکان هەست پێ کردوە ئێستاش دەبێ دڵسۆزی سوپا بۆ وەگەر خستنی چەرخی بەرهەمهێنان هەست پێ بکات.

هەروەها 22ی بانەمەڕی 1395 لە سەردانیدا بۆ کرمان بەسەر قاسمی سلێمانیدا هەڵداو گووتی: ئەورۆ ئەگەر چاو لە هەر شوێنێکی ئەفغانستان، عێراق، سوریە، لوبنان، فلەستین بکەین جێ پێی سلێمانی دەبینین.

ئاکامی ئەم راپۆرتە ئەوەمان پێ دەڵێ کە دڵخۆش کردن بە ئیسڵاحخوازانی حکومەتی بە هیچکوێ ناگاو تاکە رێی رزگاری خەڵکی ئێران هەمان رێگەی روخان و نەمانی رژێم و دامەزرانی حکومەتێکی خەڵکی و دیموکراتێک و دادپەروەر و شەفافە.