پرسەنامەى سازمانى خەبات ى کوردستان بە بۆنەی شەهیدانى نوێى حدکا

لەدواى شەرى کۆسالان لە ناوچەى سەوڵاوا لە نێوان پێشمەرگەکانى حیزبی دیموکراتى کوردستانى ئێران و هێزە جینایەتکارەکانى سوپاى پاسدارانى رژیم 2 کەس لە ئەندامانى تیمى پێشمەرگەى حیزب دادەبڕین و  لە پاش ماوەێک کاتێک لە نزیک دێى بورییەر بوونە لە لایەن جاش و پاسدارەکانى رژیم پێیان دەزاندرێ و بە چەکى قورس و هێزێکى زۆر گەمارۆ دەدرێن. ئەو پێشمەرگە چاونەترسانە لە پاش خۆراگرى بۆ ماوەى 2 سەعات و بە هۆى تەواو بوونى تەقەمەنى و فیشەک دوا نارنجۆک بە خۆیان دا دەتەقێننەوە و بەو شێوەیە تێکەڵ بە کاروانى شەهیدانى کوردستان دەبن. ناوى ئەو دوو شەهیدە سەربەرزە بریتین لە: شەهید "داودی جەوانمەرد" ناسراو بە "کاوە" ئەندامی کۆمیتەی ناوەندیی حیزبی دێموکراتی کوردستانی ئێران و شەهید "سەرکەوت سەمەدی" کادری حیزب.

بەو بۆنەوە هاودەردى و هاوخەمى خۆمان لەگەڵ سەرکردایەتى حیزبی دیموکراتى کوردستانى ئێران و هەروەها کەس و کار و خانەوادەى ئەو شەه٠Šدانە دەردەبڕین و لە خوا داواکارین روحى ئەو شەهیدانە بە بەهەشتى بەرین شاد بکات و سێبوورى کەس و کاریان بدات. 

بەو هیوایەى بە خەباتى یەکانگیرانەى گەلەکەمان ئامانجى ئەو شەهیدانە و سەرجەم شەهیدانى کوردستان وەدى بێ و سێبەرى شوومى دەسەڵاتى دیکتاتۆرى ئاخوندى بەسەر خەڵکى کوردستان دا نەمێنێ. 

سازمانى خەبات ى کوردستانى ئێران 

19ى پووشپەرى 1395