چەکدارانی سەر بە ڕژیمی ئێران بە موشەک هێرشیان کردوە سەر سەفارەتی ئامریکا

خەبات مێدیا: شەوی ڕابردوو هێرشی موشەکی کرایە ناوچەی سەوزی بەغدا و سفارەتی ئەمریکا،بە پێی هەواڵەکان، لەم هێرشەدا ، هەشت ٨تا یازدە ۱۱ ڕاکتی کاتیۆشا، هاوێژراوەتە ئەو ناوچەیە ، کە لەئاکامی ئەم هێرشە، بەشێک لە دیواری سەفارەتی ئەمریکا خەسارەتی لێکەوتوە و سەربازێکی عێراقی برینداربوە و هەندێک لە گوللە کاتیوشاکان کەوتونەتە ماڵی دانیشتوانی ئەم ناوچەیە.

سفارەتی ئەمریکا لە گەڵ سەلماندنی ئەو هێرشانە، ڕایگەیاند، خەسارەتی گیانیان نەبوە بەڵام لەوانەیە خەڵکی ئاسایی عێراقی بریندار بوبێتن. هەروەها ئەم هێرشانەی پێشێلکردنی یاسای نێونەتەوەیی و دەسەڵاتی دەوڵەتی عێراق لەقەڵەم دا و داوای لەهەموو ڕێبەرانی سیاسی، دەوڵەتی عێڕاق کردووە تا بۆ پێشگرتن بەم هێرشانە، هەنگاو هەڵگرن. هەروەها مایک پەمپێئۆ وەزیری دەرەوەی ئەمریکا ڕایگەیاند، لە کاتێکدا عێراق گیرۆدەی دەیان کێشەی سیاسی و ئابوریە، بەلام میلیشیاکانی سەر بە ڕژیمی ئێران گەورەترین کۆسپن لە بەردەم ئاشتی و خۆش گوزەرانی لە عێراقدا. لە هەمانکاتدا وتەبێژی سەرۆک کۆماری عێراق، سەبارەت بەو هێرشە موشەکیانە وتی: ئەمە کردەویەکی ترۆریستیە. و ئەم هێرشانە دەرخەری ئەوەیە دەیانهەوێ حاکمیەتی عێراق و پێگەی نێونەتەوەیی عێراق، لەڕێگەی هێرش بۆ شوێنی دیپلۆماتیکەکان ببەنە ژێرپرسیار.