ڕژیمی ئێران مافی دەنگدانی لە کۆمەڵەی گشتی ڕێکخراوی نەتەوە یەکگرتووەکان لە دەست دا.

 ئانتۆنیۆ گۆتێرێش سکرتێری گشتی ڕێکخراوی نەتەوە یەکگرتووەکان، ڕۆژی یەکشەممە ۲٨ی بەفرانبار، لە نامەیەکدا بۆ ڤۆڵکان بۆزک" سەرۆکی ·٥مین کۆمەڵەی گشتی ڕێکخراوی نەتەوەیەکگرتووەکان، خوازیاری جێ بە جێ کردنی ماددەی ۱۹ی بڕیارنامەی نەتەوە یەکگرتووەکان لەپەیوەند بە ڕژیمی ئێران و چەن وڵاتی دیکە بوو.
بەپێی ئەم ماددەیە، وڵاتانێک کە بۆماوەی دووساڵ پوڵی بەشداربوونیان نەدەن، ئەوە مافی دەنگدانیان بەشێوەی کاتی لەدەست ئەدەن. 
ئەم بڕیارە جگە لە ڕژیمی ئاخوندی ئێران، هێندێک وڵاتی تری وەکوو کۆماری ئافریقای ناوەندی،کۆمۆر،کۆنگۆ، لیبی، نایجیریا، سۆماڵ، سوودان، زیمباوە و ..... لەخۆ دەگرێت.