سازمانی خه‌بات ی
کوردستانی
ئێران
رۆژی چوارشەممە رێکەوتی 23ی پووشپەری 1395 کۆرێک بۆ بەرێز مەلا بەختیار کارگیری مەکتەبی سیاسی YNK لە شاری سلێمانی و لە ژێر ناونیشانی "مەترسییەکانی دۆخی ئێستا، سازان یان ترازان" سازدرا.
بەرێز مەلا بەختیار لە وتەکانی دا باسی رەوشی ئێستای رۆژهەلاتی ناوین و بە گشتی دۆخی نێودەوڵەتیکرد و هەل و مەرجی خەبات ی رزگاریخوازانەی هەر کام لە پارچەکانی کوردستانی هەڵسەنگاند. ناوەرۆکی قسەکانی ناوبراو لەسەر تەوەری مەترسی و دەرفەتەکانی بەردەم کوردستان بە گشتی و زەرورەتی یەکگووتاری و هوشباری نەتەوەیی لە نێو کوردستانیان بوو.
جێگەی باسە لەسەر بانگهێشتی رەسمی ، هەیئەتێکی سازمانی خەبات بەسەرپەرشتی بەرێز کاک رێبوار حسێنی بەرپرسی پێوەندییە کوردستانیەکان و هاوریەتی بەرێزان کاک بەختیار عەزیزی و کاک فوئاد جەعفەری ئەندامانی جێگری کومیتەی ناوەندی بەشدارییان لەو کۆرە دا کرد.
