بەشداری بەرێز بەرێوەبەری گشتی سازمانی خەبات لە کۆبوونەوەی شۆڕای میللی موقاومەتی ئێران

رۆژانی 25 و 26ی پووشپەری 1395 لە وەلاتی پاریس کۆبوونەوەی نێوان دەورەیی شۆڕای میللی موقاومەتی ئێران بەرێوەچوو. بەرێز کاک بابەشێخ حسێنی بەرێوەبەری گشتی سازمانی خەبات ی کوردستانی ئێران وەک ئەندامی چاودێر لەو کۆبوونەوەیەدا بەشداری کرد و لە چەند وتەیێکدا ئاماژەی بە دۆخی کوردستان و بزووتنەوەی رەوای گەلی کورد لە کوردستانی ئێران و هەروەها تێکۆشانی سازمانی خەبات ی کوردستانی ئێرانی کرد. 

کۆبوونەوەی شۆرای میللی موقاومەت کە هەموو سالێک بەرێوە دچێ و تێیدا لە ئاکامی باسێکی تێروتەسل لەسەر دۆخی خەبات دژی رژیمی ئاخوندی ئاماژە بە چەندین خاڵی گرینگ کرا. 

لەبەیاننامەی کۆتایی کۆبوونەوەکە لە باسی تررۆیسمی ئاخوندی و سیاسەتە تێکدەرەکانی رژیمی ئێران لە وەلاتانی عێراق و سوریا و یەمەن، رژیمی ئاخوندی مەحکووم کرا و بە پێچەوانەی ئیدعای دەسەلات بۆ ناوزەدکردنی سوریا وەک قوولایی ستراتژیی رژیم و بە فیرودانی سەرمایەی ئێران  بە زەلکاوێک شوبهێندرا کە رۆژ لەدوای رۆژ زیاتر رژیم تێدا دەچەقێ. هەروەها چەندین تەوەری تر وەک بەرنامەی ناوکەیی و هەڵژباردنەکانی ئەمواییەی مەجلیسی خوبرەگان و مەجلیسی شۆرای ئیسلامی و بە تایبەتی بزووتنەوەی ئیعترازییەکانی ئێران تاوتوێ کرا و رێگە چارەی رووخانی دەسەڵات بە تاکە رێگەی رزگاری گەلانی ئێران زاندرا. 

جێگەی باسە بەرێز کاک بابەشێخ حسێنی لە رۆژی یەکەمی کاری شۆرای میللی موقاومەت وتەی پێش کەش کرد و لە وتەکانیدا تیشکی خستە سەر جولانەوەی رزگاریخوازانەی گەلی کورد لە کوردستانی ئێران و باسی پەرەدان بە خەبات دژی دەسەڵاتی ئاخوندی کرد و تیشکی خستە سەر بریاری سازمانی خەبات بۆ وەئەستۆ گرتنی بەشێکی زیاتر لەو خەباتە هەمەلایەنەیە لەبەرانبەر دیکتاتۆری ئاخوندی و پێداگری لە سەر هاوکاری و هاوئاهەنگی خەباتی گەلی کورد لەگەڵ خەبات و خۆراگری سەرەتاسەری ئێران کردەوە. بەرێز کاک بابەشێخ حسێنی لە قسەکانیدا پێداگری لەسەر هاوپەیمانەتی لەگەڵ سازمانی موجاهیدینی خەڵقی ئێران کردەوە و هیوای خواست سنووری هاوکاری نیوان هێز و لایەنە سیاسیەکانی دژبەری رژیمی ئاخوندی بەردەوام لەپەرەسەندن و گەورەبوونەوەدا بێ.